Text:August Lustig/A. Lustig Sämtliche Werke: Band 1/Was g'wisse Lit vom Wasser halte.

Us der alemannische Wikipedia, der freie Dialäkt-Enzyklopedy
Was g'wisse Lit vom Wasser halte.

34 - 35


Dr Wanderer:
Wie doch dr Weg langwilig isch!
Wie brenne d'Sunnestrahle!
E Gläsle Wasser, hell un frisch,
Das wàr jetz nitt z'bezahle.

Dr Müsikant:
Ich thàt kei Schritt fir's Wasser thüe,
Das derf i herzhaft sage,
Ich ka's nitt lide-n-in de Schüeh,
Verschwige noch im Mage!

D'Melker:
Fir uns isch 's Wasser 's höchste Güet,
Mr känne's nitt g'nüe schätze,
Das mie mr alle g'steh, denn 's thüet
Uns mànge Küeh ersetze.

D'Pompiers:
Fir z'spritze, wie sich's licht versteht,
Ka 's Wasser uns serviere,
Doch nochher, wenn's ans läsche geht,
Will's Keiner mit prawiere!

D'Wihàndler:
Fir uns isch 's Wasser bis dohi
Noch Keim gsi si Verdàrwe,
Nur sott's e wenig roth noch si,
Ass mir's nitt miesste fàrwe!

D'Apotheker:
Das Element isch gar prezios,
Me macht mit gar viel Sache,
Mir hàn's in Flàschle klei un gross
Un thien Fortün mit mache!

D'Fischer:
Mir mien vor allem Wasser ha,
Mr thien sunscht nit verlange,
Wenn mir nur känne fische dra,
Mr wànn jo gern nit fange.

D'Schüehmacher:
Mir Schüester bruche 's Wasser nur,
Fir unsre Kugle z'fille,
Am Màntig sàh mir nit derdur,
Nitt mit dr beste Brille!

D'Fawrikante:
Mir thien eistimmig in dem Kampf
Getreü im Wasser bliwe,
Denn ohne Wasser gàb's kei Dampf,
Wer wott d'Fawrike triwe ?

Dr Firer:
Ich müess nitt immer Wasser ha,
Wenn ich als Dampf will mache,
Ich ha am Sunntig o ein g'ha,
Un vo ganz andre Sache!

Dr Dichter:
E Glick isch's, ass die Flüssigkeit
Fir d'Lit umsunst thüet laüfe,
Mit was is unsre Kunst itràit,
Kännt's Keiner vo-n-is kaüfe!