Text:August Lustig/A. Lustig Sämtliche Werke: Band 1/Dr Hofnarr.

E Hofnarr an dr Fasenacht,
Vo sim Müethwille g'leitet,
Dà hat im König uf dr Jagd
Ufpasst, als Schelm verkleidet.

Geld oder Blüet! rieft er em züe
Un zeigt em si Pistole;
Dr Konig, iwerrascht genüe,
Git's Geld un gläubt si b'stohle.

Doch git's dr Hofnarr wieder z'ruck
Un fangt jetz arg a z'lache
Un sàit: 's isch nur e Fasnachtsspuck,
Wo-n-ich ha welle mache!

Im König geht das Spàssle nitt,
Me ka si Zorn sich dànke!
O sàit er: was de g'macht hasch hit,
Fir das loss ich di hànke.

Dr ganze Hof, zur b'stimmte Stund,
Will an dem Fest biwohne,
Dr Galge steht, dr Hofnarr kunnt,
Hört sich ringsum verhohne.

Ihr Herre, rieft er, merke's wohl,
I will mi nitt beklage,
Doch hätt i noch zum letzte Mol
E Kleinigkeit eüch z'sage:

Wenn ich, so wie-n-ihr's mache-n-als,
In Ernst hätt welle stàhle,
So hätt ich hit kei Strick am Hals,
Kei Stern thàt mir dra fàhle!