Text:August Lustig/A. Lustig Sämtliche Werke: Band 1/Dr Herbst.

Us der alemannische Wikipedia, der freie Dialäkt-Enzyklopedy
Dr Herbst.

348 - 349


Ne schöne Zit isch immer doch
Der Herbst! wie hà mir Alte,
Wo d'Bei als besser gsi sin noch,
Dà Tag noch fröhlig g'halte!
Do hat me sich als lustig g'macht!
Mr sin als bliwe bis in d'Nacht,
Ne ganze Karawane,
Mitnander uf dr Wanne.

Ne Jeder weisst das Plàtzle jo,
's isch längst bekannt z'Milhüse!
Vo jeher sin d'Lit alle scho
Gern g'wandert als dert üse;
Vo jeher isch me gern dert hi
Un hat sich's als recht güet lo si
Im Schatte vo de Tanne
Binander uf dr Wanne.

Dr Tisch isch dert jo immer deckt,
Me hat als 's beste Lewe;
Wie hat uns als dr Neüe g'schmeckt
Un o dr Alt' dernewe!
Do müess me ha Respect dervor:
Mr hàn als g'leert, das isch jetz wohr,
Màng Gläsle, mànge Kanne
Dert owe-n-uf dr Wanne!

Un mit dem isch's nitt ferig gsi;
Nitt nur allei dr Keller,
O d'Kuche hat g'serviert mithi
Ne mànger güeter Teller!
Dr Herbst derf nitt so leer verbi,
Me lebt nitt mir allei vom Wi;
's hat pràgelt in dr Pfanne
Als sicher uf dr Wanne!

350 - 351

Fir's Dessert hà mr als derno
Ne Tànzle gnu in Ehre,
Un hàn is amüsiert eso;
Wer will eim das verwehre?
Mr hàn is alle g'freit druf hi
Un sin derdur als glicklig gsi,
Me hat 's Seil fir uns g'spanne
Gar màngmol uf dr Wanne!

Ne schöne Zit isch gsi als doch
Dr Herbst! wie hà mir Alte,
Wo d'Bei als besser gsi sin noch,
Dà Tag so frohlig g'halte!
Ihr alle, wo noch jung un froh
Dur's Lewe thien marschiere do,
Thien nur kei Freid verbanne
Un gehn im Herbst uf d'Wanne!