Taylor York

Us der alemannische Wikipedia, der freie Dialäkt-Enzyklopedy
Taylor York
Dr Taylor in Amsterdam (2013)
Dr Taylor in Amsterdam (2013)
Date
Geburtsname Taylor Benjamin York
Uf d Wält cho 17. Dezämber 1989
Beschäftigung Musiker, Songschriiber, Musigproduzänt
Instrument Gitarre, Schlagzüüg, Perkussion, Gsang, Klavier, Keyboard
Aktiv 2004–2005, 2007–presänt
Het gspiilt mit Paramore

Dr Taylor Benjamin York (* 17. Dezämber 1989) isch ä US-amerikanische Musiker, Songschriiber u Produzänt. Er isch dr Lead- u Rythmus-Gitarrischt i dr genre-neutrale Band Paramore.

Biografie[ändere | Quälltäxt bearbeite]

Dr Taylor isch als jüngste vo drüü Giele am 17. Dezämber 1989, z'Nashville, Tennessee gebore. Si Vater, dr Peter York, isch Vorsitzende u CEO vo dr Capitol Christian Music Group. Peter isch ou Gitarrischt u het am Taylor u siim Brüetsch Justin ds Instrument biibracht. Taylors ältsichte Brüetsch, Chris York, isch Senior Director of A&R bi Capitol Records.

York isch mit dä Farro-Brüetsche (Josh u Zac) sho i ere Band gsi, bevor si d'Hayley Williams hei kenneglert. Dr jünger Farro Brüetsch, Zac, het dr York u d'Williams bi emne Highschool-Footballspiel annenang vorgstellt, wo si sech vo afang ah guet verstande hei. Dr Taylor isch biim Schriibe vo Lieder wie "Conspiracy" vo ihrem Debütalbum "All We Know Is Falling" u am Bonustrack "O Star" beteiligt gsi, was z'erste Lied isch wo dr Taylor u d'Hayley zämme hei gschriebe, churz drufabe wo si sech hei kenneglert. Siit 2007 isch dr Taylor es offiziells Mitglied vo Paramore.

Iiflüs[ändere | Quälltäxt bearbeite]

Taylor het bekannt gäh das zu sine Lieblingskünstler mewithoutYou, Radiohead, Kent, Yann Tiersen, At the Drive-In, Failure, Björk, Kadawatha u Paper Route ghöre. Ih jüngerer Zyt het er i Interviews Afrobeat-Musig als grosse Ihfluss für z'Album After Laughter agäh. Talking Heads, Fleetwood Mac, Blondie, Paul Simon, The Strokes, Thomas Mapfumo, Tame Impala und The Cure si äbefalls als Ihflüss u Lieblingskünstler priisgäh worde.

Paramore[ändere | Quälltäxt bearbeite]

Dr Taylor im 2007

Wo är jünger isch gsi het York, bevor "All We Know Is Falling", d'Backup-Vocals gmacht. Nachem Abgang vom Hunter Lamb im Jahr 2007 isch er als Rythmusgitarrischt zu Paramore cho. I de Begleittexte vom zwöite Album vo dr Band, Riot!, hei ne d'Hayley Williams, dr Josh Farro u dr Zac Farro i ihrne Dankeschönsliste ufgnoh. Er het ghulfe bim schriebe vo de Lieder "That's What You Get" u am Bonustrack "Stop This Song." Nach dr Veröffentlichig vo Riot! het Paramore es Live-Album, The Final Riot! veröffentlecht. York isch i de Liner Notes vom Live-Album als Mitglied dr Band ufgfüehrt worde. Am 15. Junni 2009 isch er vo Paramore offiziell als offizielles Mitglied annerkennt worde. Nachdäm Josh u Zac Farro d'Band verlah hei, het d'Williams güsseret, dasss sie sech sicher sigi, dass dr Taylor ou d'Band wird verlah. York het imene Interview gseit: "Wos Bärgab isch gange, isch es für mi schwierig gsi e Entscheidig z'träffe. I bi eifach no nid parat gsi. I bi zämebroche u ha irgenndwenn agfange z'gränne, well i ha eifach gwüsst dasi no nid fertig bi u das igs mega liebe mit em Jeremy u ar Hayley ire Band z'si, I ha no meh mit dr Band z'tüe, darum hani füregluegt unds eifach gmacht." D'Hayley het zuegäh dass sie denzumal nit so nach am Taylor isch gstande. Sie hei sech jedoch imene Kaffe zämme troffe, nachdem sie zäme are Show si gsi. D'Hayley seit dass sie nachdem i ihrem Outo grännet u gwüsst het, dass d'Band dermit iiverstande wird si dass dr Taylor bliibt. Siitdäm si sie sech wieder nöcher cho. York het sithär am Scriebe u Ufnäh vo ihrne Albe teilgnoh. Im 2015 het d'Hayley Williams Paramore ufgrund vo Depressione fürne churti Zyt verlah. Dr Taylor isch denn als einzigs Mitglied vo Paramore übrig blibe, wo dr Bassist Jeremy Davis später d'Band verlah het. Er het dr York u d'Williams i emne Rechtsstriit über ds Eigetum u d'Urheberschaft vo Lieder ufem vierte Paramore Album verwicklet. D'Williams het dr York als öbber globt wo ihre ghulfe het während ihrere Depression am Läbe z'bliibe. Si seit ou das er dr Grund isch dases Paramore no e Band isch u si sech nid ufglöst het.

Referänze[ändere | Quälltäxt bearbeite]

  1. Taylor York at AllMusic (Änglisch)
  2. Karan, Tim (22. Dezämber 2010). "Josh Farro "finally tells the truth" about Paramore". Alternative Press. Archiviert vom original am 20. Mai 2016. Abgruefe am 7. Ougust 2016. (Änglisch)
  3. Lipshutz, Jason (3. Jänner, 2011). "Paramore's Hayley Williams Names New Touring Bandmates". Billboard. (Änglisch)
  4. "Capitol Christian Music Group Names Peter York to Top Post After Death of Label Founder Bill Hearn". Variety. 9. Jänner 2018. (Änglisch)
  5. Hassan, Charlotte (21. April 2016) "Executive Shuffle: Sony Music Entertainment, Capitol Records, Warner Music..." (Änglisch)
  6. BubblesPink (10. März 2016). "Parahoy! 2 - Q&A with Hayley and Taylor" – via YouTube. (Änglisch)
  7. wojo4hitz (10. März, 2016). "11/19 Paramore - Oh Star + Story of Oh Star @ Parahoy (Show #2) 3/07/16". Archivierd vom Original am 15. Dezämber 2021 – via YouTube. (Änglisch)
  8. "taylor's Profile". Paramore.net. Abgruefe 10. Dezämber 2011. (Änglisch)
  9. "ACE Repertory". www.ascap.com. (Änglisch)
  10. Goodwyn, Tom (27. Dezämber 2011). "Hayley Williams: 'I was sure Taylor York was going to quit Paramore last year'". NME. Abgruefe am 2. Ougust 2017. (Änglisch)
  11. Keating, Justine (8. Jänner 2014). "Brick by Brick". TheMusic.com.au. Abgruefe am 2. Ougust 2017. (Änglisch)
  12. The Final Riot at AllMusic. Abgruefe am 2. Ougust 2017. (Änglisch)
  13. "Paramore's Hayley Williams Still Gets You". The FADER. (Änglisch)
  14. Hafford, Michael. "Hayley Williams, Taylor York Talk About Waiting To Quit Paramore "So Many Times"". www.refinery29.com. (Änglisch)
Dä Artikel basiert uff ere fräie Übersetzig vum Artikel „Taylor_York“ vu de änglische Wikipedia. E Liste vu de Autore un Versione isch do z finde.