Tastatur

E dütschi Tastatur mit eme Trackball

E Tastatur isch ä Deil vo dr Schnittstell oder Interface vomene Computer.

Hauptsächlich wird e Tastatur brucht zum Zeiche und Text iigeh. Es het aber au 12 Funktionstaste (F1-F12), denn gits no veschiedeni Befehl zu de Cursor stüüre (Pfiiltaschte, Home, End, Page Down, Page Up) und en Zahleblock zum schnell irgendwelchi Zahle iizgeh.

Di hütige Computer-Tastature sind us den alte Schribmaschine entstande. D Buechstabe sind glich agordnet. Das het de Vorteil gha, dass Lüüt, wo dozmol scho's 10-Finger-System hend chöne, nöd hend müse umlerne für d PC-Tastatur.

In englisch-sprochige und andere Gebiet sind QWERTY-Tastature üblich, d. h. dass uf de Tastatur d Buechstabe Y und Z ihri Plätz tuschd händ. I Frànkrich und Belgie sind AZERTY-Tastature üblich, d. h. gegenübber der QWERTY-Tastatur händ A und Q sowie Z und W ihri Plätz tuschd.