Tamina Kallert
D Tamina Kallert (* 24. Juni 1974 z Fryburg) isch e dytschi Schurnalischti un Fäärnseemoderatoori.
Lääbe[ändere | Quälltäxt bearbeite]
D Tamina Kallert isch z Fryburg ufgwagse un deert uf d Waldorfschuel gange. Noch em Abituur het si z Fryburg un z Köln Anglischtik un Gschiicht studiert. No Uuslandsufenthalt in dr USA, dr Ukraine un z Indie het si anne 1995 e Praktikum bim WDR absolviert.
As Repoorteri het si fir s WDR-Juugedmagaziin Lollo Rosso gschafft. Si het d Life-Style-Sändig Gimmi Feif bresäntiert, s ARD-Summerprogramm Mallorca Life un s WDR-Magaziin Boulevard Europa. Im Spootjoor 1999 isch si zue ProSieben gwägslet un het as Redakteeri un Repoorteri fir Die Reporter gschafft. Vu 2000 bis 2003 het d Tamina Kallert s Raisemagaziin Abenteuer & Reisen TV fir s DSF moderiert. Anne 2004 isch retuur gange zum WDR un duet syterhär s Raisemagaziin Wunderschön! moderiere (friejer Wunderschöne Regionen un Wunderschönes NRW, moderiert vum Bernd Müller).[1] Derzue het si bim WDR vu 2004 bis 2010 d Sändig Tiergeschichten bresäntiert, un syt 2015 2 für 300.[2] Im Septämber 2016 het si zäme mit em Daniel Hope di vum WDR organisiert Veraastaltig Eurovision Young Musicians 2016 z Köln moderiert.
Privaats[ändere | Quälltäxt bearbeite]
D Tamina Kallert isch mit em Schwyzer Schurnalischt Nik Niethammer ghyroote, mit iim het si ne Suun un e Doochter.[3][4]
Biecher[ändere | Quälltäxt bearbeite]
- Mit kleinem Gepäck – Wunderschöne Geschichten vom Reisen. Gütersloher Verlagshaus, Gütersloh 2018, ISBN 978-3-579-08720-7
Weblink[ändere | Quälltäxt bearbeite]
Commons: Tamina Kallert – Sammlig vo Multimediadateie- Tamina Kallert in dr Internet Movie Database
- Personalsyte uf www.wdr.de
Fueßnote[ändere | Quälltäxt bearbeite]
- ↑ imfernsehen GmbH & Co KG: Wunderschön. Abgruefen am 15. August 2020.
- ↑ imfernsehen GmbH & Co KG: 2 für 300. Abgruefen am 15. August 2020.
- ↑ 10 Jahre Reisemagazin “Wunderschön!”- Interview mit Moderatorin Tamina Kallert. Abgruefen am 21. August 2020.
- ↑ Vgl. Schweizer Illustrierte, Nr. 23/2009, S. 14 (online)
|
Dä Artikel basiert uff ere fräie Übersetzig vu dere Version vum Artikel „Tamina_Kallert“ vu de dütsche Wikipedia. E Liste vu de Autore un Versione isch do z finde. |