Taipeh

Taipeh isch d Hauptstadt vo dr Republik China.

Geografy

D Stadt lyt am Fluss Danshui uf dr Insle Taiwan. Si isch e Millioonestadt, und zäme mit dr Nochberstadt Neu-Taipeh näbedra bildet si di gröschti Agglomerazioon vom Land.

Im Norde vo dr Stadt isch e Bärglandschaft, wo drin dr Nazionalpark Yangmingshan lyt. Chlyni Bärge het’s im ganze Stadtgebiet.

Gschicht

I dr Gägend, wo hüt Taipeh lyt, het früener s Volk vo de Ketagalan gläbt. Im 17. Joorhundert hend d Spanier Sidlige uf dr Insle Taiwan agfange yzrichte; si sind denn vo dr Insle gly vertribe worde, wo d Holländer cho sind und d Herrschaft übernoo hend. Ane 1662 sind d Chineese d Herre vo dr Insle worde und d Holländer sind au furtggange. Am Donshui-Fluss sind chinesischi Dörfer entstande. Us de Sidlige Mon-Jia, Dalongdong und Dadaocheng het sech im 18. Joorhundert d Stadt Taipeh entwicklet.

Im spoote 19. Joorhundert het Taipeh Stadtmuure überchoo. Sid 1885 giltet s ofiziell als Stadt. Vo 1895 bis 1945 isch d Stadt japanisch gsi. Jetz het si sech zun ere Grossstadt entwicklet. Im Joor 1949 isch d Regierig vo China, wo dr Kampf gäge d Komunischte uf em Festland verlore het, agfüert vom Presidänt Chiang Kai-Shek uf Taiwan ggange und het Taipeh zum Zäntralort vo dr separate Republik China gmacht, wo 1950 usgruefe worden isch.

Weblink

Commons: Taipeh – Album mit Multimediadateie