Daag vu dr Galicische Literatuur

Feschtakt zum Día das Letras Galegas 2018

Demonschtrazion z Santiago de Compostela zum Día das Letras Galegas 2018

Dr Daag vu dr Galicische Literatuur (Día das Letras Galegas) isch e wältlige Fyyrdig z Galicie. D Real Academia Galega (RAG, Cheenigligi Akademy vu Galicie) het där Fyyrdig anne 1963 yygfiert zum di galicisch Sprooch un Literatuur z fyyre. Syter anne 1991 isch dr 17. Mai en effetlige Fyyrdig in ganz Galicie.

Di eerscht Fyyr 1963 het an d Vereffetlichung vu dr Cantares Galegos 100 Joor dervoor gmaant. D Verfasseri Rosalía de Castro (1837–1885) isch aini vu dr wiichtigschte Diichterne in dr Gschiicht vu Galicie un het e wiichtigi Roll bim Rexurdimento, em Wideruflääbe vu dr galicische Sprooch im 19. Jorhundert gspiilt. Syterhär isch e jeede Daag vu dr Galicische Literatuur eme andere Autoor oder ere Autoori vu dr galicische Sprooch gwidmet, wu nimi läbt. Dr Daag wird au in andere Länder gfyyrt, wu vyyl Galicier*ne im 19. un 20. Jorhundert uusgwanderet sin – vor allem z Argentinie, z Kuba, z Brasilie z Uruguay.

Im kulturälle Kaländer vu Galicie isch dr Día das Letras Galegas hite seli wiichtig. Näbe feschtlige Veraastaltige vu dr RAG un andre Inschtituzione git s au all Joor e grooßi Demonschtzrazion fir s Galicisch z Santiago de Compostela.

Weblink

 Commons: Daag vu dr Galicische Literatuur – Sammlig vo Multimediadateie

• Real Academia Galega

• Gschicht vom Día das Letras Galegas af da Seitn vo da Real Academia Galega (galizisch)
• Da Día das Letras Galegas im Portal vo da galicischn Språch (galizisch)

Fueßnote

Dä Artikel basiert uff ere fräie Übersetzig vu dere Version vum Artikel „Día_das_Letras_Galegas“ vu de bairische Wikipedia. E Liste vu de Autore un Versione isch do z finde.