Susanne Vogel (Bassischti)
D Susanne Vogel (* 4. Septämber 1967 z Fryburg) isch e dytschi Bassischti. Si het unter anderem zäme gschafft mit em Edo Zanki, dr Ina Deter, dr Pe Werner, dr Sabrina Setlur un dr Inga Rumpf.
Lääbe[ändere | Quälltäxt bearbeite]
D Vogel het anne 1983 aagfange mit E-Bass spiile. Noch em Abituur het si vu 1987 bis 1988 an dr Swiss Jazz School z Bärn studiert. Derno het si vu 1990 bis 1995 Jazz- un Popularmusik an dr Hochschuel fir Musik un Darstellendi Chunscht z Stuegert studiert mit Hauptfach E-Bass un im Juili 1995 as Diplom-Musiklehreri abgschlosse mit ere Diplomarbet zum Thema Gherbildig un Jazzharmonylehr.
Ändi 1980er un aafangs 1990er Johr het si E-Bassunterricht gee, unter anderem vu 1991 bis 1993 am Music Lab z Ämmedinge.
Vu 1991 bis 2002 isch si e fescht Mitglid in dr Band vum Edo Zanki gsii un het bi syne CD-Produktion un uf syne Tournee mitgwirkt. Anne 1993 isch si uf Hamburg zoge, wu si au mit andere Musiker*ne gspiilt het, unter anderem uf Tournee vu dr Ina Deter (1993 un 1997), dr Pe Werner (1995), Das Auge Gottes (1995) un Sabrina Setlur (2000). Syter 2012 isch si Mitglid vu dr Band vu dr Debbie Clarke.
Vu 1994 bis 2000 het si Bass gspiilt im Hamburger Operettehuus im Musical Cats un vu 1996 bis 1997 het si am Lübecker Theater in Musical-Produktion Bass gspiilt.
Syt 1997 duet si wider Bass unterrichte. Syter 2000 isch si Dozänti fir Jazzharmonylehr, Gherbildig un E-Bass an dr Hamburg School of Music (syt 2005 Beruefsfachschuel fir Popularmusik ). Vu 2005 bis 2011 het si derzue au E-Bass an dr RockPopSchule Lübeck unterrichtet. Syt 2006 het si ne Lehrufdrag fir E-Bass an dr Musikhochschuel Lübeck un syter 2010 au ne Lehrufdrag fir Pop- un Jazztheor. Dernäbe het si als au uf verschidene Workshop glehrt.
Vu 2001 bis 2010 isch si Mitglid vu dr Band Soulounge gsii un het an zwoo CD mitgwirkt un bi Tournee un Kunzärtt.
Diskografy[ändere | Quälltäxt bearbeite]
- Edo Zanki – „Ich muß verrückt sein“ (WEA 1992)
- Die Zöllner – „Goldene Zeiten“ (Deutsche Schallplatten GmbH 1993)
- Face Y Face – „Signs To Set“ (ATM 1993)
- Edo Zanki – „Komplizen“ (Sony Music 1994)
- Edo Zanki – „10“ (Sony Music 1995)
- Ina Deter – „Mit früher ist heute vorbei“ (Chroma Music 1997)
- Natacha – „Natacha“ (EMI 2000)
- Edo Zanki – „Die ganze Zeit“ (MMP 2001)
- Inga Rumpf – „Live im Michel“ (25th Hour Music 2004)
- Soulounge – „The Essence Of The Live Event“ (Warner 2003)
- Soulounge – „Home“ (Soulounge Records 2004)