Suanete
D Suanete (lat. Suanetes; altgriech. Σουάνητες, Souánētes) sind en antiks Volch i de Bündner Alpe gsii und wered zu de Räter grechnet. Si chöned am Hinderrhii lokalisiert were.
Öberliferig[ändere | Quälltäxt bearbeite]
De Ptolemäus nennt d Suanete[1] zäme mit de Rigusker, de Kalukone, de Vennone und de Brixantier. De Plinius de Älteri zällt d Suanete zu de Völcher, wo 15 v. Chr. im Alpefeldzug vom Drusus und Tiberius underworfe wore sind[2]. Denebet sait er ono, as d Sarunete a de Quelle vom Rhii gwont hebi, wobii hütt aber agnoo werd, as er d Suanete gmaint heb.