Strohdachhuus Leimbach
S Strohdachhuus Leimbach isch es ursprünglich mit Stroh, hüt mit Schilf deckts ehemaligs Buurehuus. Es stoht im Wiler Seebärg, wo zu de Gmeind Leimbach ghört. Es stoht unterm Schutz vom Kanton Aargau und de Eidgnosseschaft und isch im Verzeichnis vo de Kulturgüter mit de Nummer 155 gführt.
Lag
[ändere | Quälltäxt bearbeite]S Huus ligt im obere Wynetal, e chli ewäg vom Wiler Seebärg mit dem es über e Naturschtroos verbunde-n-isch.
Bau
[ändere | Quälltäxt bearbeite]S Strohdachhuus uf em Seebärg isch in de Form vomene Schtänderhuus mit Hochschtüde bauet worde und isch mit Stroh deckt worde. Es repräsentiirt dodermit di älteschti aargauischi Hüüserform. D Faischter sind mit Buzeschiibe beschtückt und de Rauchabzug überm Herd, in demfrühener d Würscht und de Schpeck grööcht worde sind, isch us Ruetegflächt bauet worde, wo me mit Lehm bestriche het.[1] Uf em Balke überm Tor zum Tenn isch d Jahreszahl 1783 iigschnitzt, wo em Baujahr vom Huus dürft entspräche.[2]
Im Herbst 2011 isch s Dach zum letschte Mol ernoieret worde.[3]
Weblink
[ändere | Quälltäxt bearbeite]
Commons: Strohdachhuus Leimbach – Sammlig vo Multimediadateie