Stroofaastalt Schällemätteli

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
BW
Dialäkt: Baseldütsch

D Stroofaastalt Schällemätteli isch e Gfängnis in dr Schwizer Stadt Basel gsi. Es isch vo 1864 bis 1977 as Gfängnis und vo 1982 bis 2004 as Undersuechigsgfängnis brucht worde.

Dr Naame[ändere | Quälltäxt bearbeite]

Mä het die Gfangene uf de Fälder (Matte) um s Gfängnis ume beschäfdigt und für zum verhindere, ass si wurde furtrenne, häi si wäärend dr Arbet e Glogge (Schälle) um e Hals dräit. Vo doo isch dr umgangssproochligi Naame Schällemätteli choo.

S Bauwärk[ändere | Quälltäxt bearbeite]

D Stroofaastalt isch 1864 an dr Spiddalstrooss uf em Gländ vom früenere Baanhoof vo dr Elsässerbaan baut worde, wo die iire Baanhoof im Joor 1860 zum Zentralbaanhoof am Elisabethe-Bollwärk verläit het.

D Stadt Basel het für e Bau von dr Stroofaastalt e Wettbewärb usgschriibe, fuffzää häi mitgmacht und dr Robert Moser het dr erst Briis gwunne.

D Stroofaastalt het e kwadratischi Umfassigsmuure mit vier Wachhüüser in de Egge ghaa. In dr Middi isch dr Ufseherdrakt gstande mit dr Aastaltschille oobe druf. Vom Ufseherdrakt us het s drei T-förmigi Zälledrakt in drei Richdige ghaa. Eso häi d Ufseher die drei Zällegeböid liicht chönne überwache. Im vierte Flüügel isch s villenartige Verwaltigsgeböid gsi. Dr Moser het im gliiche Joor noch em gliiche Brinzip au d Stroofaastalt Länzburg baut.

Im Joor 1952 het mä s Schällemätteli im Innere umbaut.

Zwüsche 1977 und 1982 isch s Gfängnis nüme brucht worde, denn het mä s aber müesse reaktiviere.

Wil d Norme vo de 114 Zälle, wo jeedi nume öbbe fümf Kwadraatmeter grooss gsi isch, nit dr Öiropäische Menscherächtskonvenzioon entsprooche häi, het mä s Gfängnis Schällemätteli im Summer 2004 zuedo. Vo denn aa isch s leer gstande, usser wäärend dr Euro 08, wo mä s Schällemätteli as zuesätzligs Gfängnis für Hooligans brucht het.

Dr Abbruch[ändere | Quälltäxt bearbeite]

S Geböid isch nit dänkmolgschützt gsi und isch 2009 abbroche worde. Uf em Gländ baut mä e nöis Biozentrum vo dr Uniwersidäät Basel,[1] wo noch em Blaan 2017 söll eröffnet wärde.

Literatur[ändere | Quälltäxt bearbeite]

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. competitiononline - Wettbwerbe und Architektur uf competitionline.com, abgrüeft Januar 2013


Information icon.svg Dä Artikel basiert uff ere fräie Übersetzig vum Artikel „Strafanstalt_Schällemätteli“ vu de dütsche Wikipedia.

E Liste vu de Autore un Versione isch do z finde.

47.5644444444447.5805555555556Koordinaten: 47° 33′ 52″ N, 7° 34′ 50″ O; CH1903: 610681 / 268203