S Biozentrum vo dr Uniwersidäät Baasel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S Biozentrum an dr Klingelbärgstrooss
Dialäkt: Baseldütsch
S Logo vom Zentrum

S interdisziplinääre Biozentrum vo dr Uniwersidäät Baasel an dr Klingelbärgstrooss 50/70 z Baasel isch s grösste naturwüsseschaftlige Departemänt vo dr Uni. Es konzentriert sich uf die molekulari und biomedizinischi Grundlageforschig und Leer und ghöört zu de füerende Instidut vo sinere Art uf dr Wält.

Forschig[ändere | Quälltäxt bearbeite]

S Biozentrum isch 1971 as äins vo de erste interdisziplinääre Instidut gründet worde. Hüte schaffe im Zentrum drissig Grubbe mit Forscher us dr ganze Wält und undersueche biologischi Brozäss uf ere molekulare Basis.Im Joor chömme mee as 200 wüsseschaftligi Publikazioone uuse. Schwerpünkt vo dr Forschig si d Biologii vo dr Zälle und dr Enteigglig, d Infekzionsbiologii, d Nöirobiologii, d Strukturbiologii, d Biofüsik und die „Computational & Systems Biology“.

Leer[ändere | Quälltäxt bearbeite]

In dr Leer setzt s Zentrum uf e früeji Integrierig vo de Studänte in dr Forschigsaarbet. Für die beste Masterabsolvänte git s en internazionals PhD-Programm „Fellowships for Excellence“, wo vo dr Werner-Siemens-Stifdig understützt wird.

Zaale (2014)[ändere | Quälltäxt bearbeite]

S Biozentrum het mee as fümf hundert Mitarbäiter, drunder 32 Brofasser, 138 Postdoktorande, 116 Doktorande, 40 wüsseschaftligi Mitarbäiter, 33 Masterstudänte und öbbe 150 Lüt, wo in dr Verwaltig, de Labor und as Techniker schaffe.

S Büdsche isch mee as 65 Millione Franke, drvo drait d Uni 63 Brozänt und dr Schwizer Nazionalfonds 13 Brozänt.

Kwelle[ändere | Quälltäxt bearbeite]