Gleisschtopfè

Us der alemannische Wikipedia, der freie Dialäkt-Enzyklopedy
Gleisschtopfmaschinnè vum Tǜp Plassermatic 08-275/4 ZW-Y
Ungschtopfts Neubaugleis mit dütlichè Lagefääler
Hǜdraulisch andrybenes Stopfgräät als Aabaugräät für Zweiwägbagger

Stopfè isch e Methodè, wo bim Bau un i dè Inschtandhaltung vo Gleis mit Schotterobberbau aagwendèt wird zum vertikali Unebbèheitè i dè Höchi un horizontali Voschièbungè längs un rächts/links i dè Gleislaag durch Aahebbè un/odder Voschièbè vum Gleis, Weichè un Chrützungè durch Unterfüèttèrè vo dè Baanschwällè mit Schotter z besitigè. Früèner hèt mò sèll vu Hand mit Windè, Schottergablè un Stopfhackè gmacht, hüt dègegè wörd s zmeischt maschinèll durch deilwys au selbschtfaarend uusgfüürti Nivellyr-, Richt- un Stopfmaschinnè gmacht.

Bim maschinèllè Stopfè wörrèd bi minim aaglupftèm Gleis je Schinnè-Schwellè-Ufflagepungt vyr Stopfpickel us Staal vibryrènd vo obbè i s Schotterbett ydaucht. D Pickel schwingèd dõdeby mit 35 Hz Frequènz horizontal; chlyni Wǜrkflächè am Ènd bauèd un vodichtèd d Schotterpackung unter sèlli Schwällè, wôrend dè Pickel vibryrend langsam hochzogè wörd. Stopfmaschinnè stopfèd sit 1965 zwei, hüt meischtens drei, sit 2005 au vyr Schwällè glychzitig. Grundlegèndi Patènt für d sognannti Asǜnchroni Drugg-Vibrationsschtopfung sin 1953 uusgää worrè.

Moderni Stopfmaschinnè nivellyrèd asè s Gleis un stabilisyrèd s auch dǜnamisch, wôrend si kontinuyrlich mit 500–1000 Metern pro Stund mit èm Büèz wittermachèd un dõdeby au Berych vu Weichè un Chrützungè stopfè düèn. Si chönnèd Deil von èm Gleisbauzug sy.

Im Fachjargon heißt s Stopfè vum Schotterbett grampè un d Maschinnè dèzuè Gleisschtopfmaschinnè, Gramper odder Grampgräät.[1]

Einzelnõchwys[ändere | Quälltäxt bearbeite]

  1. Gramper stopfèd Schotter unter d Schwällè
Dä Artikel basiert uff ere fräie Übersetzig vum Artikel „Stopfen_(Gleisbau)“ vu de dütsche Wikipedia. E Liste vu de Autore un Versione isch do z finde.