Stefano Garzelli

Dr Stefano Garzelli (* 16. Juli 1973 z Varese) isch en italiänische Velorennfahrer. Sini grösste Erfolg bis jetzt si d Gsamtsiig in dr Tour de Suisse 1998, im Giro d’Italia 2000 und bim Tirreno-Adriatico 2010 gsi.

Karriere

Dr Garzelli het as Hälfer für ä Marco Pantani aagfange. Wo dä bim Giro d’Italia 2000 Formbroblem gha het, het im Garzelli si Team Mercatone-Uno ihn unabhängig vom Pantani lo fahre. Z Prato Nevoso, wo s Ziil vo dr 18. Etappe gsi isch, isch er as Erste aachoo. Bim Bärgzitfahre vo Briancon über ä Col Du Montgenevre uf Sestriere in dr vorletschte Etappe, het er em Francesco Casagrande, wo bis denn Gsamterste gsi isch, über ä Minute abgnoh und s Rosa Liibli übercho. Das het er in dr Schlussetappe verdeidigt. 2002 isch er wäge Doping gsperrt worde, im Johr druf isch er bim Giro Zweite im Gsamtklassemänt worde. Er het denn no e baar Etappe bim Giro gwunne und im Merz 2010 dr Tirreno-Adriatico.

Team

1997 Mercatone Uno
1998 - 1999 Mercatone Uno-Bianchi
2000 Mercatone Uno-Albacom
2001 - 2002 Mapei-Quick Step
2003 Vini Caldirola-Saunier Duval
2004 Vini Caldirola-Nobili Rubinetterie
2005 Liquigas-Bianchi
2006 Liquigas
2007 - 2009 Acqua & Sapone-Caffè Mokambo
2010 Acqua & Sapone-D'Angelo & Antenucci
2011 Acqua & Sapone

Erfolg

1998

Tour de Suisse

1999

GP Miguel Induráin
ei Etappe Baskeland-Rundfahrt

2000

Gsamtklassemänt und ei Etappe Giro d’Italia 2000
ei Etappe Tour de Suisse

2001

ei Etappe Baskeland-Rundfahrt
ei Etappe Tour de Suisse

2002

zwei Etappe Giro d’Italia

2003

zwei Etappe Giro d’Italia

2004

Aragon-Rundfahrt
ei Etappe Tour de Romandie
ei Etappe Giro d’Italia

2005

Tre Valli Varesine

2006

2007

ei Etappe Giro del Trentino
zwei Etappe Giro d’Italia
ei Etappe Slowenie-Rundfahrt

2008

2009

1. Platz Bärgklassemänt Giro d’Italia

2010

Gsamtklassemänt Tirreno–Adriatico
ei Etappe Giro d’Italia

2011

Bärgklassemänt Giro d’Italia