Statistik

Statistik isch d Leer vo Methode zum Umgang mit kwantitative Informazione (Daate). Si isch äi Mögligkäit, zum e süstematischi Verbindig zwüsche dr Erfaarig (Empirii) und dr Theorii z mache^[1] und fasst bestimmti Methode zämme, zum empirischi Daate z analysiere.

D Däilberiich vo dr Statistik

D Statistik wird uf dr äinte Site as äigeständigi mathematischi Disziplin aagluegt, wo Daate sammlet, analysiert, interpretiert oder presentiert, uf dr andere Site as Däilgebiet vo dr Mathematik, bsundrigs vo dr Stochastik.^[2]^[3]^[4]

Si wird in die drei Däilberiich iidäilt:

Die deskriptivi Statistik (oder beschriibendi Statistik oder empirischi Statistik): Daate wärde uf geigneti Art beschriibe, bearbäitet und zämmegfasst. Mit iire Methode verdichtet mä kwantitativi Daate zu Dabälle, grafische Daarstellige und Kennzaale. Es git Instituzione wie die amtligi Statistik oder s «sozio-ökonomische Panel» (SOEP), wo sonigi Statistike mache as Hauptufgoob häi.
Die induktivi Statistik (au mathematischi Statistik, Inferänzstatistik): In dr induktive Statistik läitet mä us de Daate von ere Stichbroob Äigeschafte von ere Grundgsamthäit ab. D Woorschinligkäitstheorii liiferet d Grundlaage für d Schetzigs- und Testverfaare, wo brucht wärde.
Die explorativi Statistik (au Statistik, wo Hüpothese generiert, analytischi Statistik oder Data-Mining) isch methodisch e Zwüscheform vo de bäide andere Däilberiich, het aber immer mee äigeständigi Bedütig. Mit deskriptive Verfaare und induktive Testmethode suecht si süstematisch möögligi Zämmehäng (oder Underschiid) zwüsche Daate in vorhandene Daatebeständ und will sä gliichzitig bewärte, wie stark si si und wie sicher iiri Resultaat. D Ergääbniss, wo mä eso bechunnt, si Hüpothese, wo mä erst as statistisch gsicheret cha aaluege, wenn si vo induktive Testverfaare mit entsprächende (prospektive) Versuechsblaanige, wo druf ufbaut si, bestäätigt wärde.

Lueg au

Weblingg

Wikibooks: Einführung in Statistik — Lern- und Lehrmaterialie

http://www.dagstat.de, Deutsche Arbeitsgemeinschaft Statistik
ISI Multilingual Glossary of Statistical Terms
Statistik - Zählen und gezählt werden
https://web.archive.org/web/20090227054024/http://www.statsoft.com/textbook/stathome.html E guete Überblick über die wichdigste statistische Verfaare (änglisch)
http://de.statista.com/ Umfangriichi Daatesammlig vo underschiidlige Statistike mit Kwellenaagoobe
https://web.archive.org/web/20140414221920/http://www.datavis.ca/milestones/ Milestones in the History of Thematic Cartography, Statistical Graphics, and Data Visualization

Fuessnoote

↑ Rinne, Horst (2008), Taschenbuch der Statistik (4. Uflaag), Harri Deutsch Verlag, Frankfurt am Main, S. 1 (Iigschränkti Vorschau uf books.google.de)
↑ Lincoln E. Moses: Think and Explain with statistics. Addison-Wesley, 1986, ISBN 978-0-201-15619-5, S. 1–3.
↑ David Moore: Statistics for the Twenty-First Century. The Mathematical Association of America, Washington, DC 1992, Teaching Statistics as a Respectable Subject, S. 14–25.
↑ William Lee Hays: Statistics for the social sciences. Holt, Rinehart and Winston, 1973, ISBN 978-0-03-077945-9, S. xii.

[1] Rinne, Horst (2008), Taschenbuch der Statistik (4. Uflaag), Harri Deutsch Verlag, Frankfurt am Main, S. 1 (Iigschränkti Vorschau uf books.google.de)

[2] Lincoln E. Moses: Think and Explain with statistics. Addison-Wesley, 1986, ISBN 978-0-201-15619-5, S. 1–3.

[3] David Moore: Statistics for the Twenty-First Century. The Mathematical Association of America, Washington, DC 1992, Teaching Statistics as a Respectable Subject, S. 14–25.

[4] William Lee Hays: Statistics for the social sciences. Holt, Rinehart and Winston, 1973, ISBN 978-0-03-077945-9, S. xii.

[1]

[2]

[3]

[4]