Square Colbert (Reims)

Us der alemannische Wikipedia, der freie Dialäkt-Enzyklopedy
dr zäntrààla Tail vum Square Colbert mìt dr Schtàtüüta
Dialäkt: Mìlhüüserdiisch

Dr Square Colbert LL-Q150 (fra)-Mathieu Kappler-square Colbert.wav [skwaʁ kɔlbɛʁ](info) ìsch a klainer Schpàziargàrta-n-ìm Schtàdtzäntrum vu Reims. Ar lììgt àm Zäntrum vu da Promenades de Reims äntlàng em Boulevard du Général-Leclerc, grààd vor’m Reimser Hàuiptbàhnhoof. Ar ìsch a 1,1 ha grooss. Ìn dr Mìtta vum Gàrta-n-ìsch a Schtàtüüta vum Jean-Louis Colbert, em Minìschter vum Keenig Ludwig XIV., [1] wo dr Bìldhàuijer Eugène Guillaume ànna 1860 gmàcht hàt — dr Colbert ìsch z’ Reims uff d’ Walt kumma.

Gschìcht[ändere | Quälltäxt bearbeite]

S’ Gàrta-n-ìsch ànna 1828 ärschtällt worra, àwwer hàt sii Nàmma numma-n-ìm Joohr 1860 bikumma, wu maa noch dr Bàhnhoof hàt düa bàuija. Ar lììgt àn dr Schtälla vum ehamooliga Plàtz vum Boulingrin Central, wo ànna 1730 ärschtällt worra gsìì ìsch.[2]

Ànna 1904 hàt maa zwìschem Boulevard Louis-Roederer un em Square Colbert a Gebäi fìr d’ Büroo vu dr Bàhngsällschàft vum Reimser Ràuim (chemins de fer de la Banlieue de Reims) bàuija. S’ Gebäi ìsch zwìscha 1921 un 1934 àbgrìssa worra. Ànna 1919 hàt sìch a Ührmàcher zittawiis uff da Basses Promenades nììdergloo, wial sii Gschaft àn dr Rue Colbert ìm Äärschta Waltkriag zärschteert worra gsìì ìsch. Àm And vum Zwaita Waltkriag hàt maa ànna 1945 vorschtällt, d’ Schtàtüüta vum Colbert durs Dankmol fìr d’ G’màrterta vum Wììderschtànd z’ ärsätza; dia Vorschtällung hàt d’ Schtàdtverwàltung jedoch nìt ààgnumma.[2]

Ànna 2018/19 sìnn àm Square Colbert groossa Àrweta gsìì: maa hàt d’ Schàtüüta-n-ärfrìscht, dr Ràuim àm Gàrtarànd änthìllt un d’ Waagla näi gschtàlta.[3] Àn dr Sitta vu da Waagla hàt maa-n-a 190 Meeter lànger runder Bànk g’sätzt.[4] Ànna 2020 ìsch dr Gàrta nochamol umgschtàlta worra.[4] Ìm Dezamber 2023 hàt maa-n-a groosser Tail vum Gàrta näi gepflànzt.[5]

Pflànza[ändere | Quälltäxt bearbeite]

Ìm Gàrta sìnn äbba 80.000 Pflànza: bii dana 3.900 Aiba, 74.500 àlljaahrliga Pflànza un 93 Baim.[6] Bii da Baim sìnn unteràndrem a Ginkgo, a jàpàànischer Schnüarbàuim, a Rootbüecha, a Araukàària un a Tulwabàuim.[7]

a pààr Bìlder[ändere | Quälltäxt bearbeite]

  • Ààsìchtskàrta üss’m Joohr 1910: dr Square Colbert mìt’m Reimser Mìnschter ìm Hìntergrund
    Ààsìchtskàrta üss’m Joohr 1910: dr Square Colbert mìt’m Reimser Mìnschter ìm Hìntergrund
  • Nordwäschtiigàng
    Nordwäschtiigàng
  • Süüdwäschtiigàng mìt Pflànza
    Süüdwäschtiigàng mìt Pflànza
  • uff’m Platzla-n-ìsch a runda Waagla fìr schpàziara
    uff’m Platzla-n-ìsch a runda Waagla fìr schpàziara
  • d’ Schtàtüüta vum Jean-Louis Colbert
    d’ Schtàtüüta vum Jean-Louis Colbert
  • dr Owertail vu dr Schtàtüüta
    dr Owertail vu dr Schtàtüüta
  • d’ Sitta vu dr Schtàtüüta
    d’ Sitta vu dr Schtàtüüta
  • s’ Müüsikfascht (Flâneries Musicales) àm Square Colbert ànna 2013
    s’ Müüsikfascht (Flâneries Musicales) àm Square Colbert ànna 2013
  • dr Bàhnhoof vum Square Colbert har gsah
    dr Bàhnhoof vum Square Colbert har gsah

Lìteràtüür[ändere | Quälltäxt bearbeite]

  • Michel Racine: Jardins en France : Nouveau guide illustré. 6. Auflage. Actes Sud, Arles 2004, ISBN 2-7427-4782-6, S. 139 (französisch, Iigschränkti Vorschau uf books.google.de).
  • Colbert, square Jean Baptiste. In: Jean-Claude Thuret (Hrsg.): Reims, ses rues et ses lieux. Gegema, Crestic, RHA, Reims 2011 (französisch, blogspot.com [abgerufen am 29. Januar 2024]).
  • Hier/aujourd’hui à Reims : le square Colbert de 1860 à nos jours. In: L’Union. 27. Januar 2023 (französisch, lunion.fr [abgerufen am 29. Januar 2024]).
  • PHOTOS. Le square Colbert à Reims de 1930 à nos jours. In: L’Union. 14. September 2018 (französisch, lunion.fr [abgerufen am 29. Januar 2024]).

Weblìnks[ändere | Quälltäxt bearbeite]

 Commons: Square Colbert à Reims – Sammlig vo Multimediadateie

Ainzelnoohwiisa[ändere | Quälltäxt bearbeite]

  1. ↑ Véronique Valette: Le Square Colbert. In: Reims Avant. Archiviert vom Original am 27. Januar 2023; abgruefen am 29. Januar 2024 (französisch).
  2. ↑ 2,0 2,1 Thuret 2011
  3. ↑ Deux chantiers en sept ans: pourquoi le square Colbert, à Reims, est à nouveau en travaux. In: L’Union. 5. Oktober 2018, abgruefen am 29. Januar 2024.
  4. ↑ 4,0 4,1 Le square Colbert rouvre au public. In: L’Hebdo du vendredi. 4. Juli 2019, archiviert vom Original am 29. Januar 2024; abgruefen am 29. Januar 2024 (französisch).
  5. ↑ Square Colbert à Reims, les massifs arrachés pour être replantés. In: L’Union. 10. Dezember 2023, abgruefen am 29. Januar 2024 (französisch).
  6. ↑ Aurélie Jacquand: PHOTOS : rénové, le square Colbert de Reims rouvre. France Bleu Champagne-Ardennes, 5. Juli 2019, archiviert vom Original am 29. Januar 2024; abgruefen am 29. Januar 2024 (französisch).
  7. ↑ Le Tulipier de Virginie de Reims. In: Tourisme en Champagne. Archiviert vom Original am 23. März 2023; abgruefen am 29. Januar 2024 (französisch).
Dä Artikel basiert uff ere fräie Übersetzig vu dere Version vum Artikel „Square_Colbert_(Reims)“ vu de französische Wikipedia. E Liste vu de Autore un Versione isch do z finde.

Koordinate: 49° 15′ 29,4″ N, 4° 1′ 32,8″ O

Vun "https://als.wikipedia.org/w/index.php?title=Square_Colbert_(Reims)&oldid=1050636"