Promenades de Reims

Dialäkt: Mìlhüüserdiitsch

D’ Promenades de Reims [pʁɔmnad də ʁɛ̃s] bìlda-n-a groosser Schpàziargàrta-n-ìm Schtàdtzäntrum vu Reims ìm Frànkrììch. Sa b’schtehn üss da Basses-Promenades (Untertail) un da Hautes-Promenades (Owwertail). Baida sìnn dur dr Square Colbert getrännt. Zitter 2016 haisst dr Oowertail offiziäll „Promenades Jean-Louis Schneiter“.

àllgmainliga B’schriiwung

D’ Promenades de Reims lììga àn dr Nordwäscht-Granz vum Reimser Schtàdtzäntrum. Dr Owwertail fàngt vorna àn da Boulingrin-Hàlla àm Norda àà, verlàuift uff 380 Meeter äntlàng em Boulevard Joffre (Norwäschtsitta) un em Boulevard Foch (Süüdwäschtsitta), un andet àn dr Rue du Colonel-Driant àm Süüda. Àn dr Nordoschtäcka vu da Promenades schteht s’ reemischa Dankmool Porte de Mars üss’m 3. Joohrhundert. Àm Zäntrum vum Owertail ìsch s’ Kriagsdankmool züa da Gmàrterta vum Wììderschtànd un vu dr Verschläppung. Noch süüdlig vum Kriagsdankmool ìsch dr „Wàsserschpiagel“, a groosser flàcher Brunna, wu d’ Kìnder känna schpììla. Ar ìsch ìm Septamber 2020 iigwäijt worra, zeehlt 120 Wàsserschtrààhla un ìsch 75 Meeter làng un 11 Meeter brait. Ànna 2022 hàt zem äärschta Mol dr Reimser Wiahnàchtsmàrkt uff da Hautes Promenades schtàttgfunda.

Ìn dr Mìtta vu da Promenades lììgt dr Square Colbert grààd vor’m Reimser Hàuiptbàhnhoof àm Norda un grààd vor’m Iigàng ìn dr Place Drouet-d’Erlont àm Süüda.

Dr Untertail verlàuift uff 330 Meeter vu dr Rue du Général-Estienne àm Norda bis àn d’ Rue Bir Hakeim ìm Süüda, äntlàng àm Boulevard Louis-Roederer (Nordwäschtsitta) un àm Boulevard du Général-Leclerc (Süüdoschtsitta). Grààd süüdlig vu da Promenades schteht d’ Porte de Paris un dr Reimser Zirküs ìm Parc de la Patte d’Oie.

a pààr Bìlder

Hautes-Promenades

• 
  s’ Nordoscht-And vu da Hautes-Promenades — ìm Hìntergrund ìsch s’ groossa Kriagsdankmol z’ sah
• 
  dr Ààfàng vu da Hautes-Promenades
• 
  d’ Hautes-Promenades mìt’m Wàsserschpiagel, ìn Rìchtung Süüdwäscht gsah
• 
  d’ Hautes-Promenades ànna 2014 vor da Àrweta
• 
  d’ Hautes-Promenades ànna 2014 vor da Àrweta
• 
  d’ Hautes-Promenades ànna 2014 vor da Àrweta — ìm Hìntergrund ìsch s’ groossa Kriagsdankmol z’ sah
• 
  dr Reimser Tràm uff’m Rue du Colonel-Driant zwìschem Square Colbert un da Hautes-Promenades
• 
  s’ Dankmool züa da Gmàrterta vum Wììderschtànd un vu dr Verschläppung
• 
  s’ Dankmool züa da Gmàrterta vum Wììderschtànd un vu dr Verschläppung
• 
  naawa-n-em Dankmol sìnn groossa Schtaiplàtta mìt Opfernàmma
• 
  s’ Dankmool ànna 2010 vor da Àrweta
• 
  zem Ààdanka vum 8. Mai 2018 — doo sìnn dr Bìrgermaischter Arnaud Robinet un d’ Catherine Vautrin d’rbii gsìì
• 
  dr Gedankschtai zem Owerscht Pierre Bouchez ànna 2021
• 
  Gedankschtai zem Kolmarer Reschimant Rhin et Danube ànna 2018

Basses-Promenades

• 
  uff da Basses-Promenades, Rìchtung Nordoscht — ìm Hìntergrund ìsch d’ Colbert-Schtàtüüta z’ sah
• 
  dr Brunna uff da Basses-Promenades
• 
  uff da Basses-Promenades
• 
  uff da Basses-Promenades
• 
  uff da Basses-Promenades, Rìchtung Süüdwäscht — ìm Hìntergrund ìsch d’ Porte de Paris z’ sah
• 
  Sittawaag uff da Basses-Promenades

Weblìnks

 Commons: Promenades de Reims – Sammlig vo Multimediadateie

• Vorschtällung vu da Promenades uff dr Websitta vu dr Gmaindaverwàltung Reims (frànzeesch)

Ainzelnoohwiisa

49.256814.02388