Sportmuseum Schwiz

Us der alemannische Wikipedia, der freie Dialäkt-Enzyklopedy
S Sportmuseum
Dialäkt: Baseldütsch

D Stifdig Sportmuseum Schwiz het zum Zwäck, Kulturgüeter vom Sport z sammle und dr Sport as Däil vo dr Alldaagskultur z vermiddle. D Gschäftsstell und dr Sitz vo dr Stifdig befinde sich z Baasel. S Sportmuseum het im Septämber 2011 uf em Dreispitz bi Baasel e Laager ufdoo, wo mä cha bsueche.

S Sportmuseum isch äins vo de Baasler Kulturgüeter, wo nazionaali Bedütig häi.

Gschicht[ändere | Quälltäxt bearbeite]

D Idee vom ene Sportmuseum isch 1945 rif worde. D Regierig vo Basel-Stadt het e Startkredit für e Museum gee und s Schwizerische Durn- und Sportmuseum (TSM) isch gründet worde. Under de Gründigsmitgliider häi sich dr Durninspäggder August Frei (1874–1962) befunde, dr Welofaarer und Welohändler Oskar Stählin (1889–1945) und dr Zürcher Arzt Gustav Adolf Wehrli (1888–1949). Si häi iiri Sammlige vo Büecher, Zitschrifte, Dokumänt, historische Welo und Sportgräät as Grundstock zur Verfüegig gstellt und bald si non e baar anderi Brivatsammlige drzuechoo. D Sammlig bestoot us 150'000 Objekt und gältet hüte as en äinzigartige sportkultureller Bestand in Öiropa.

Sit em Oktober 2005 het s Sportmuseum Schwiz e nöis Konzept: Under em Motto „Zentral sammle – dezentral vermiddle“ veraastaltet s Sportmuseum Schwiz vili extärni Usstellige und Veraastaltige und veröffentligt Publikazione. Sit dr Eröffnig vom Begehlaager wird aber au dr "klassischi" Museumsbedriib am ene feste Ort mit ere Festusstellig wider aabote. Im Laager isch die ganzi Sammlig für Äinzelbsuecher, gfüerti Grubben oder Forschendi zuegänglig.

Lueg au[ändere | Quälltäxt bearbeite]

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Sportmuseum_Schweiz“ vu de dütsche Wikipedia. E Liste vu de Autore un Versione isch do z finde.

Koordinate: 47° 33′ 49,1″ N, 7° 34′ 4,5″ O; CH1903: 609730 / 268111