Spanische Grippe

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Polizischte z Seattle im Dezämber 1918

Die Schpanischi Grippe isch en Grippe-Epidemie gsii, wo vor allem 1918 im letschte Chriegsjahr vom Erschte Wältchrieg wältwiit rund 20 Millione Toti gforderet het.

Die anerkanntischti These vo dr Verbreitig gaht dervo uus, dass sii vo chinesische Arbeiter in d USA iigschleppt worde isch und denn über amerikanischi Soldate, wo nach Europa in Chrieg zoge sii, dort here verschleppt worde isch. Binne churzer Ziit isch sii denn au zum Chriegsgegner Düütschland und Öschtrich-Ungarn übertreit worde.

Mittagässe im Grippe-Erholigszäntrum Sigriswil

In dr Schwiiz het die Grippewälle 20'000 Toti hinterloo, was 0,6 Prozänt vo dr Bevölkerig gsii sind. Im Juni 18 hets no keini Tote gäh, im Juli denn isch d Rate uuf bereits 2'000 uufegschnellt. Jungi Lüüt, und zwar bii wiitem nit nur Soldate, sind zämme mit dr Landbevölkerig düütlich am schtärkschte betroffe gsii. D Antibiotika sind leider erscht churzi Ziit nachhär erfunde worde, sii hättet nach Ansicht vo Fachlüüt s Uusmass von dr Epidemie chönne reduziere, sii allerdings nit völlig chönne verhindere.

Quelle[ändere | Quälltäxt bearbeite]

Referat vom Christian Sonderegger 1995 vor em Soledurnische Historische Verein

Weblink[ändere | Quälltäxt bearbeite]

 Commons: Schpanischi Grippe – Sammlig vo Multimediadateie