Sorbischs Gymnasium Bautzen

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Sorbisches Gymnasium Bautzen
Aasicht vum Ecke Flinz-/Friedrich-List-Stroß
Schueltyp Gymnasium
Adrässe Friedrich-List-Straße 8
02625 Bautzen
Bundesland Sachse
Gründigsjohr 1947
Schuelleiter René Jatzwauk
Website www.sorbisches-gymnasium.de

S Sorbisch Gymnasium Bautzen, (Abchirzig: SGB, dt. Sorbisches Gymnasium Bautzen, obersorb. Serbski gymnazij Budyšin) isch s ainzig Gymnasium, wu uf Obersorbisch unterrichtet un brieft wird, dodermit isch s näb em Nidersorbische Gymnasium Cottbus ais vu dr zwai Gymnasie z Dytschland mit Sorbisch as Unterrichtssproch. S lyt z Bautzen an dr Friedrich-List-Stroß im Stadtdeil Nordoschtring.

Gschicht[ändere | Quälltäxt bearbeite]

Am 1. Septämber 1947 isch di sorbisch Oberschuel z Bautzen grindet wore. Am Blatz vum Katholische Lehrerseminar an dr Liststroß, wu im Zwete Wältchrieg schwär bschedigt woren sich, isch d Schuel nei yygrichtet wore. Vu Aafang aa isch e Internat aagschlosse gsi, go dr Schuelbsuech megli z mache fir Schueler us wyter ewäg glägene sorbische Derfer. Anne 1951 isch s erscht Abitur uf Sorbisch abglait wore.

D Schuel isch speter as „Erwytereti Oberschuel“ (dt. Erweitere Oberschule, EOS) ni d Nochbergmai uf Kleinwelka (syt 1999 e Stadtdail vu Bautzen) verlait wore. S Buebeinternat mit 60 Blätz isch in dr 1960er Johr im Schloss Radibor gsi[1].

E Zytlang isch d Schuel derno z Bautzen am Platz des Friedens gsi. Anne isch schließli wider in s urspringli Gebei in dr Liststroß verlait wore un 1992 as „Sorbisches Gymnasium“ nei ufgmacht wore.

In dr Johre 2007 un 2008 isch s Gymnasium saniert und zum Sorbische Bildigszäntrum umböue wore. Zyterhär git s unter aim Dach s Gymnasium, e Mittelschuel un e Grundschuel.

Anne 2008 hän 55 Schüler ihr Abitur am Sorbische Gymnasium abgschlosse.

Lehraagebot[ändere | Quälltäxt bearbeite]

Sorbisch wird am SGB as Mueter- oder Zwotsproch unterrichtet. Doderzue wäre d Schueler in A- und B-Klassen ufdailt no ihre Sprochkänntnis. In dr A-Klassen wäre di maischte Fächer uf Sorbisch glehrt. As uusländischi Främdsproche wäre Änglisch, Russisch, Tschechisch un Franzesisch aabotte.

Personal[ändere | Quälltäxt bearbeite]

Zurzyt sin 56 Lehrer voll oder dailzyt an dr Schuel aagstellt.

Kultur[ändere | Quälltäxt bearbeite]

Am Gymnasium git s es Sorbisch Jugendensemble (syt 1949), d Koor, wu vilmol au uf Gaschreise im Uusland isch, s Orcheschter un e baar andri Arbetsgmainschafte.

Persenligkaite[ändere | Quälltäxt bearbeite]

Di Sorbisch Oberschuel anne 1955

Bekannti Lehrer[ändere | Quälltäxt bearbeite]

  • Frido Mětšk (Alfred Mietzschke; 1916–1990), Diräkter 1949–1955
  • Jan Buck (* 1922), Chunschterzieher
  • Bogna Koreng (* 1965), Musiklehreri un Koorlaiteri

Bekannti Absolvänte[ändere | Quälltäxt bearbeite]

  • Klaus Thielmann (* 1933), Mediziner, DDR-Gsundhaitsminischter
  • Sieghard Kosel (* 1939), Schurnalischt und Bolitiker (Linke)
  • Gabriele Wirth (* 1943), Zahnmedizineri un Bolitikeri (SPD)
  • Benno Budar (* 1946), Schurnalischt
  • Ludwig Noack (* 1947), Pedagog un Bolitiker (CDU)
  • Stanislaw Tillich (* 1959), Tächniker, sächsische Minischterpresidänt
  • Heiko Kosel (* 1966), Jurischt un MdL (Linke)
  • Lubina Hajduk-Veljković (* 1976), Sorabisti

Fueßnotte[ändere | Quälltäxt bearbeite]

  1. Sächsische Zeitung: „Prager Frühling: Zeitzeugen berichten“ (16. Augschte 2008)

Weblink[ändere | Quälltäxt bearbeite]

51.18624307583314.435369968333Koordinate 51° 11′ 10″ N, 14° 26′ 7″ O

Information icon.svg Dä Artikel basiert uff ere fräie Übersetzig vu dere Version vum Artikel „Sorbisches_Gymnasium_Bautzen“ vu de dütsche Wikipedia.

E Liste vu de Autore un Versione isch do z finde.