Palmeiras São Paulo

Palmeiras
Ganze Name	Sociedade Esportiva Palmeiras
Ort	São Paulo, Brasilie
Gründet	26. August 1914
Vereinsfarbe	Wiss und Grüen
Stadion	Allianz Parque
Plätz	43'713
Präsident	Leila Pereira
Trainer	Abel Ferreira
Homepage	palmeiras.com.br
Liga	Série A<br /Staatsmeisterschaft São Paulo
2024	2. Blatz

D Sociedade Esportiva Palmeiras, uf Dütsch bekannt as Palmeiras São Paulo oder äifach nume Palmeiras, isch e Schuttklub us São Paulo und ghöört zu de grösste und dradizioonsriichste Veräin vom brasiliaanische Fuessball. D Farbe vom Veräin si Grüen und Wiss.

Gschicht

Dr Veräin isch am 26. August 1914 vo italiäänische Iiwanderer as Società Palestra Italia gründet worde. Palmeiras isch sit denn elf Mol dr brasiliaanisch Mäister worde (1960, 1967, 1967, 1969, 1972, 1973, 1993, 1994, 2016, 2018 und 2022) mee as jeede andere Veräin. Er het au vier Mol dr brasiliaanisch Göp gwunne (1998, 2012, 2015 und 2020). 2002 isch Palmeiras in die zwäiti Liga abgstiige aber scho im Joor druf wider in die ersti Liga ufgstiige. S gliiche isch 2012 wider bassiert: dr Abstiig und grad druf wider dr Ufstiig und het vo denn aa wider zu de beste Klub ghöört und no zwäi Mäisterschfte gwunne. 2020 het Palmeiras d Copa do Brasil gege Grêmio gwunne.

Frauefuessball

D Frauefuessballabdäilig vo Palmeiras isch 1997 gründet worde und het 2001 d Staatsmäisterschaft gwunne. Zur Zit isch si inaktiiv.

Anderi Sportarte

Bim Veräin cha mä under anderem au Basketball, Judo, Karate, Dennis und Hocky spiile.

Kwelle

• Dr Ardikel «Palmeiras São Paulo» uf dr dütsche Wikipedia

Weblingg

• Offizielli Veräinswebsite
• Fäänsite
• Bilder vom Stadion
• Memória Alviverde