Slinky

en chline Slinky us Kunstoff

Under em Begriff Slinky verschtaht mer entweder äs Schpilgrät in Form von ere Schpirale oder dänn liechti Chleidigsschtück.

Schpilgrät

Än Slinky isch än Art langzogni Schpirale, wo meischtens us Plastik oder Metall baut isch. Maischtens wird er esoo brucht, dass mer en uf de oberschti Tritt von ere Stäge leit und em dänn än Schupf git. De Slinky wanderet denn sälbschtändig Stufe für Stufe abe. So ähnlich, eifach in gross, git's au e Nummere vo de Mummeschanz.

Chleidig

Als Slinky-Chleidig bezeichnet mer eher liechti Chleider us dünnem Stoff. S git zum Bischpil Slinky-Röck oder au Slinky-T-Shirts.

Weblink

 Commons: Slinky – Sammlig vo Multimediadateie