Sissa (Limonade)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Sissa isch e Limonade, wo 1929 s erscht Mol abgfüllt worden isch. Dennzmol isch si unter em Name Sissa-Citro vertriibe worde. Dr Name kunnt vom damalige Abfüllort Sissach im Baselbiet.

Sit 1936 hett's au e Sissa-Orange gäh, wo denn in Toco-Orange umbenennt worden isch. 1938 isch Sissa-Grape iigfiehrt worde, wo kurz druf wäge dr Zuckerrationierig währed em Zweite Wältkrieg ufgä worden isch. 1950 isch s vom bekannte Pepita abglest worde, wo hit au z Ditschland bi Bad Dürrheimer in Lizänz broduziert wird. Sit em Johr 1989 wird s Sissa vo dr Mineralquelle Eptingen AG z Eptige abgfüllt.