Sina Erdrich

d Sina Erdrich (Mitti) zäme mit dr Wyybrinzässene Saskia Teucke un Linda Trarbach

D Sina Erdrich (* 22. Septämber 1997 z Durbach, Baade-Wiirtebäärg) isch eine dytschi Bolitikeri un isch ab em 24. Septämber 2021 di 73. Dytsch Wyycheenigi gsii. Si stammt us dr Wyyregioon Baade.

Lääbe

D Sina Erdrich isch d Doochter vun ere Räbuurefamilie. Mit 19 Johr isch si in irem Haimetoort Durbach fir di Freie Wehler in Gmairoot yyzooge, si isch doodermit di jingscht reeti in ire Gmai woore. Ire bolitisch Zyyl isch di attraktiiv Gstaltig vum Oort fir jungi Mänsche. En ander wiichtig Aaliigefir sai isch dr Kliimaschutz, wel dr Kliimawandel dr Rääbe vu ire Familie seli zuesetzt. Si wett si au steerker fir dr Chauf un dr Feerderig vu regionaale Wyy yysetze.

Si het an dr Uniwersiteet Fryyburg aafange Bildigswisseschaft studiere un macht ire Master an dr Hochschuel Geisenheim z Hesse. Dernääbe schafft si in ere Chinderdaagesstätt.

2018/19 isch d Erdrich Durbacher Wyybrinzässi gsii. Am 7. Juni 2019 isch d Sina Erdrich zur 70. Baadische Wyycheenigi gwehlt woore. Si isch di dritt Baadisch Wyycheenigi gsii, wu vu Durbach chuu isch. Wyybrinzässene sin d Hanna Mußler us dr Ortenau un d Simona Aurelia Maier us em Kraichgau gsii. Si het s Amt vu dr Baadishe Wyycheenigi modärnisiert mit Insta-Reals, Social Media-Presänz un Online-Wyybroobe. Iri Amszyt isch wäg dr Pandemy um ai Joor verlengeret woore.

Am 24. Septämber 2021 isch d Sina Erdrich Bei der Wahl zur im Saalbau in Neustadt an der Weinstraße zur 73. Dytsche Wyycheenigi gwehlt woore. Wyybrinzässene sin d Saskia Teucke us dr Wyyregioon Bfalz un d Linda Trarbach us dr Wyyregioon Ahr woore. Di drei Fraue hän si geege siibe Kandidatene duuregsetzt. Wäg dr Corona-Pandemy het s e bsunder Uuswaalverfaare gee.

D Sina Erdrich isch as Dytschi Wyycheenigi vor allem bekannt woore, wel si wäg dr COVID-19-Pandemy e Social-Media-Kunzept entwoorfe het, go ire Amt digitaal uusiebe. Iri Noofolger isch isch im Septämber 2022 derno d Katrin Lang vu Ebringe woore.