Silke Van Avermaet

Us der alemannische Wikipedia, der freie Dialäkt-Enzyklopedy
Silke Van Avermaet
Porträt
Geburtsdag 2. Jüüni 1999
Geburtsort Dendermonde, Belgia
Greßi 1,92 m
Position Mìttelblock
Verain
2014–2015
2015–2021
sitter 2021
BelgienBelgien Topsportschool Vilvoorde
BelgienBelgien Asterix Kieldrecht
FrankreichFrankreich Volley Mìlhüüsa Elsàss
Nationalmannschaft


sitter 2018
BelgienBelgien Belgia U-18
BelgienBelgien Belgia U-19
BelgienBelgien Belgia U-20
BelgienBelgien A-Nàzionààlmànnschàft
Erfolg
2016–2021
2016–2018, 2021
2017–2020
2022
belgischa Maischtera
belgischa Pokààlsiigera
belgischa Schpìtzapokààl-Siigera
frànzeescha Vìzamaischtera

Stand: 9. Janner 2023

Dialäkt: Mìlhüüserdiitsch

D’ Silke Van Avermaet (* 2. Jüüni 1999 z’ Dendermonde, Prowìnz Oschtflàndra) ìsch a belgischa Volleybàllschpììlera, wo àls Mìttelblockera schpììlt. Zamma mìt’m Verain Asterix Kieldrecht ìsch sa mehrmols belgischa Maischtera un Pokààlsiigera worra. Sitter 2021 schpììlt sa ìm Verain Volley Mìlhüüsa Elsàss.

ìhra Kàrriar[ändere | Quälltäxt bearbeite]

Verainskàrriar[ändere | Quälltäxt bearbeite]

D’ Van Avermaet hàt z’äärscht ìn dr Junioora-Mànnschàft vu dr Topsportschool Vilvoorde ìm Fläämisch-Brabant gschpììlt. Ànna 2015 ìsch sa zem Asterix Kieldrecht gànga ge schpììla. Mìt dam Verain ìsch sa säcksmol belgischa Maischtera worra (jewills vu 2015/16 bis 2020/21) un hàt d’rzüa viarmol s’ nàzionààla Pokààlwättbwarb gwunna (ànna 2016, 2017, 2018 un 2021). Ànna 2020 hàt sa jedoch s’ Andschpììl vum Pokààl mìt 3:2 geega dr Rekkenshop Hermes Oostende verloora. Dr Schpìtzapokààl hàt sa eewafàlls viarmol gwunna (ànna 2017, 2018, 2019 un 2020) — ànna 2020 ìsch sa àls Bäschta-n-Uffschlaagera vum Schpìtzapokààl ärnännt worra. Ìm Joohr 2021 ìsch sa ìm Pokààlwättbewarb àls MVP so wia àls Bäschta Mìttelblockera üsszaichent worra. Ìn dr Nàzionààlmaischterschàft ìsch sa àui mehrmols fìr ìhra pärseenliga Laischtunga üsszaichent worra: àls Bäschta Mìttelblockera ìn da Saisons 2017/18, 2018/19 un 2020/21, wia àui àls Bäschta-n-Uffschlaagera ànna 2018/19 un schliasslig àls MVP ànna 2020/21.

Ìm Mai 2021 hàt d’ Van Avermaet a Vertrààg fìr ain Joohr biim Verain Volley Mìlhüüsa Elsàss unterschrììwa — doo hàt sa d’ Tessa Polder ärsätzt.[1][2][3] Ìn dr äärschta Saison mìt’m Mìlhüüser Verain ìsch sa frànzeescha Vìzamaischtera worra; ìm Pokààlwättbwarb ìsch d’ Mànnschàft numma-n-uff Plàtz Niina ànakumma. Üsserdam hàt d’ Van Avermaet àm Ààfàng vu dr Saison dr Schpìtzapokààl geega dr VB Nantes gwunna ghàà. Ìm Jüüni 2022 hàt sa ìhra Vertrààg biim Verain um ain Joohr verlängert.[4] Àm Ààfàng vu dr näija Schpììlzitt ìsch sa àwwer àm Unterliib liicht verlätzt worra un hàt àn da äärschta Schpììler nìt mìtgmàcht[5] — d’ Mànnschàft hàt jedoch dr Schpìtzapokààl geega dr Volero Le Cannet gwunna.[6]

ìn dr Nàzionààlmànnschàft[ändere | Quälltäxt bearbeite]

D’ Van Avermaet hàt z’äärscht mìt da belgischa Nàzionààlamànnschàfta vu da U-18, U-19 un U-20 gschpììlt. Ànna 2015 ìsch sa bis àm Plàtz 3 vu dr Öiropàmaischterschàft vu da U-18 glunga un ìsch uff Plàtz 12 vu dr Waltmaischterschàft ànakumma. Ìm Joohr druff ìsch sa Viarta bii dr Öiropàmaischterschàft vu da U-19 worra.

Sitter 2018 schpììlt d’ Van Avermaet zamma mìt dr A-Nàzionààlmànnschàft vu Belgia. Ìm Àwrìl 2018 ìsch sa bii da Volleyproms àls „Ààfangerin vum Joohr“ üsszaichent worra.[7] Àn dr Nations League 2018 ìsch sa zamma mìt dr Mànnschàft uff Plàtz 13 ànakumma un hàt àlso àn dr Finààlrunda nìt mìtgmàcht. Àm saalwa Turniar ìm Joohr druff ìsch sa uff Plàtz 7 ànakumma un hàt eewafàlls vor àn dr Finààlrunda müassa-n-üssschaida. D’rzüa ìsch sa mìt Belgia àn dr Öiropàmaischterschàft 2019 uff Plàtz Niina ànakumma. Ànna 2021 ìsch d’ Van Avermaet bii da Volleyproms àls Schpììlera vum Joohr üsszaichent worra.[8][9] Schpeeter ìm Joohr ìsch sa mìt Belgia Niinta worra àn dr Nations League, un Viarzehnta àn dr Öiropàmaischterschàft. Ànna 2022 hàt sa àn dr Waltmaischterschàft ìn da Nììderland un Poola mìtgmàcht,[10] wu s’ Belgia uff Plàtz Niina ànakumma-n-ìsch. Sa ìsch àui àn dr Nations League 2022 d’rbii gsìì; ìn dr zwaita Wucha ìn da Filippina ìsch sa jedoch àn COVID-19 ärkrànkt gsìì un hàt àn da Schpììler nìt känna mìtmàcha.[11][12] Ìm Jüüli 2022 hàt sa àn dr Challenger Cup mìtgmàcht[13] — doo hàt Belgia s’ Andschpììl geega dr Gàschtgaawer Kroàzia verloora.

Weblìnks[ändere | Quälltäxt bearbeite]

  • Profil ìn dr Dàtabànk vu dr FIVB (anglisch)
  • Profil biim Öiropäischa Volleybàllverbànd CEV (anglisch)
  • Profil bii Volley Vlaanderen (anglisch)
  • Profil ìn dr Dàtabànk vu WorldOfVolley (anglisch)
  • Profil ìn dr Dàtabànk vu Volleybox (hoochdiitsch)
  • Profil ìn dr Global Sports Archive (anglisch)

Ainzelnoohwiisa[ändere | Quälltäxt bearbeite]

  1. Christian Entz: Silke Van Avermaet : la Belge de l’année débarque. Volley Mìlhüüsa Elsàss, 8. Mai 2021, archiviert vom Original am 12. August 2022; abgruefen am 9. Januar 2023 (französisch).
  2. L'ASPTT Mulhouse prend l'accent belge avec la signature de Silke Van Avermaet. In: L’Alsace. 8. Mai 2021, archiviert vom Original am 9. Januar 2023; abgruefen am 9. Januar 2023 (französisch).
  3. L’ASPTT Mulhouse à l’heure belge. In: L’Alsace. 9. Mai 2021, archiviert vom Original am 9. Januar 2023; abgruefen am 9. Januar 2023 (französisch).
  4. Christian Entz: Volley-ball. La centrale belge Silke Van Avermaet jouera une saison de plus à l’ASPTT Mulhouse. In: L’Alsace. 19. Juni 2022, archiviert vom Original am 9. Januar 2023; abgruefen am 9. Januar 2023 (französisch).
  5. Grégory Lobjoie: Volley-ball/Ligue A féminine. Mulhouse enfin au complet. In: Dernières Nouvelles d’Alsace. 28. Oktober 2022, archiviert vom Original am 9. Januar 2022; abgruefen am 9. Januar 2023 (französisch): „Car Amanda Coneo et Silke Van Avermaet sont de retour, après une petite fracture du pouce pour la première et des douleurs aux abdominaux pour la seconde.“
  6. Sébastien Gente: Volley : Mulhouse s’offre Le Cannet et remporte la SuperCoupe. 18. Oktober 2022, archiviert vom Original am 18. Oktober 2022; abgruefen am 9. Januar 2023 (französisch).
  7. Marcel Coppens: Rookie van het jaar Silke Van Avermaet debutant bij Yellow Tigers. In: Volley Magazine. Volley Vlaanderen, 28. April 2018, archiviert vom Original am 29. Januar 2020; abgruefen am 9. Januar 2023 (niderländisch).
  8. Stijn D'Hulst en Silke Van Avermaet verkozen als beste speler en speelster van dit seizoen. In: Sportbeat.be. 19. April 2021, archiviert vom Original am 9. Januar 2023; abgruefen am 9. Januar 2023 (niderländisch).
  9. Kampioenen Stijn D'Hulst en Silke Van Avermaet uitblinkers op Volleyproms. Sporza, 19. April 2021, archiviert vom Original am 9. Januar 2023; abgruefen am 9. Januar 2023 (niderländisch).
  10. Walter Vereeck: Silke Van Avermaet (Yellow Tigers): “Energie, karakter en veerkracht getoond tegen de toplanden van dit WK”. In: Het Laatste Nieuws. 9. Oktober 2022, archiviert vom Original am 9. Januar 2023; abgruefen am 9. Januar 2023 (niderländisch).
  11. Valerie Hardie: “Ik ga niet elke avond huilen omdat ik hier op mijn eentje zit”: Yellow Tiger Silke Van Avermaet zit na positieve coronatest in isolatie in Filipijnse hotelkamer. In: Het Laatste Nieuws. 14. Juni 2022, archiviert vom Original am 9. Januar 2023; abgruefen am 9. Januar 2023 (niderländisch).
  12. VH: Met Van Avermaet in isolatie staat België voor onmogelijke missie: ‘Een dag lijkt plots langer dan 24 uur’. In: De Morgen. 15. Juni 2022, archiviert vom Original am 9. Januar 2023; abgruefen am 9. Januar 2023 (niderländisch).
  13. mìt Belga: Volleyball Challenger Cup - Belgium reaches semi-final with victory over Czechia. In: The Brussels Times. 28. Juli 2022, archiviert vom Original am 13. September 2022; abgruefen am 9. Januar 2023 (änglisch).