Sikhismus

S Khanda, s religiööse Sümbol vo de Sikh

S Ek Onkar, wo dr zentral Grundsatz vo dr Äihäit vo Gott daarstellt

Dr Sikhismus oder d Sikh-Religion (Panjabi: ਸਿੱਖੀ, sikhī) isch e monotheistischi Religion, wo im 15. Joorhundert entstande isch und uf e Wanderbrediger Guru Nanak zrugggoot. Es isch e Reformbeweegig, wo im nord-indische Punjab ufchoo isch und hüte öbbe 23 Millione Aahänger het, die mäiste von ene in Indie.

D Sikh-Religion bedoont d Äihäit vo dr Schöpfig und vereert e gstaltlose Schöpfergott, wo weder Maa no Frau isch. Anderi wääsentligi Merggmol si, ass „Aberglaube“ und dradizionelli religiöösi Rite abgleent wärde und au soziali Hierarchie. S Kastesüsteem bestimmt aber au s Alldaagslääbe vo de Sikh, wil es im indische Alldaag übermächdig isch. In dr religiöse Braxis git s verschidnigi formali Gebot wie zum Bischbil in Bezuug uf d Chläidig, uf s Gee vo Nääme und uf s Ufdräte.

D Sikh-Religion orientiert sich nit dra, ass religiöösi Dogme erhalte wärde, sondern will, ass die religiöösi Wiishäit im Alldaag nützlig sig. Dr Guru Nanak und die nüün Guru (religiöösi Vorbilder) noch im understriiche in iiren Iisichte, wo schriftlig im Wärk Guru Granth Sahib überliiferet sin, ass si über vorhandeni Religione wäi uusegoo, und si distanziere sich vo de dominierende religiööse Dradizione vo iirem Zitalter, drunder vom Buddhismus, vom Hinduismus und vom Islam.

Litratuur

• J. S. Grewal: The Sikhs of the Punjab. Cambridge University Press, New Delhi 1994
• Bhai Gurdas: Varaan Bhai Gurdas Ji. Shiromani Gurdwara Parbhandak Committee, Amritsar 1998 (15. Jahrhundert)
• Karam Singh Historian (Hrsg.): A probe into Sikh History. Singh Brothers, Amritsar 1935
• Nikky-Guninder Kaur: The Feminine Principle in the Sikh Vision of the Transcendent. Cambridge University Press, Cambridge 1993
• Max Arthur Macauliffe: The Sikh Religion: Its Gurus, Sacred Writings and Authors, Band 6; University Press, Oxford 1909
• Gobinda Mukhoti, Rabji Kothari: Wer sind die Schuldigen? Bericht einer gemeinsamen Untersuchung der Ursachen und Wirkungen der Unruhen in Delhi vom 31. Oktober bis 10. November 1984. P.U.D.R. & P.U.C.L., Delhi 1984
• Kahn Singh Nabha: Encyclopaedia of Sikh Literature. Bhasha Vibhag, Mahan Kosh 1930
• Christopher Shackle, Arvind-pal Singh Mandair (Hrsg.): Teachings of the Sikh Gurus. Selections from the Sikh Scriptures. New York, Routledge 2005
• Giani Gurdit Singh: Mudavni. Sahit Parkashan, Chandigarh 2003
• Inder Singh: Misrepresentations of Religion. Fateh Publications, Patiala 2006
• J. P. S. Uberoi: Religion, Civil Society and the State. A Study of Sikhism. Oxford University Press, Delhi 1996
• Sahib Singh: About Compilation of Sri Guru Granth Sahib. Lok Sahit Parkashan, Amritsar 1996
• Sahib Singh: Sri Guru Granth Sahib Darpan 1–10. Raj Publisher, Jalandar 1961
• Marla Stukenberg: Die Sikhs. Religion, Politik, Geschichte. Beck, Münche 1995

Weblingg

 Commons: Sikhism – Sammlig vo Multimediadateie

• Christian Feldmann: Die Religion der Sikhs - Jede Frau heißt Prinzessin (MP3; 20,5 MB) Podcast zur Sendung radioWissen am 05. Februrar 2014
• Informationsforum über die Sikh-Religion Sikh-Forum
• Sikhism
• Uszüüg us em Adi Granth

Fuessnoote

Dä Artikel basiert uff ere fräie Übersetzig vum Artikel „Sikhismus“ vu de dütsche Wikipedia. E Liste vu de Autore un Versione isch do z finde.