Sigibert II.
| Sigibert II. | |
|---|---|
| König vo Austrasie und vo de Burgunder | |
| Regierigsziit | 613 |
| Uf d Wält cho | 602 |
| Gstorbe | 613 |
| Vorgänger | Theuderich II. |
| Dronfolg | Er isch ohni Sohn gstorbe und s Erb isch an Chlothar II. |
| Nochfolger | Chlothar II. |
Dr Sigibert II. (* 602; † 613) isch dr eltist Sohn vom Frankekönig Theuderich II. gsi. Er isch scho as Chind vom Chlothar II. ermordet worde.
Läbe
[ändere | Quälltäxt bearbeite]Dr Sigibert isch im Johr 602 uf d Wält cho. Er isch öbbe zähni gsi, wo si Vater, dr Theuderich II., si eignig Brueder, dr Theudebert II., im Johr 612 umbrocht het und zum eleinige Herrscher vo Austrasie und Burgund worde isch und im Johr 613 bald noch siim Driumph in siiner Residänz Metz überraschend im Alter vo 25 gstorben isch. D Urgrossmueter Brunichild het sofort dr unmündig Sigibert uf e Dron gsetzt.
Dr Brunichild isch s aber nit glunge, sich gege die austrasische Adlige agfüehrt vom Huusmeier Warnachar II. und de Burgunder under em burgundische Huusmeier Rado, wo gege ihri Regäntschaft gsi si, durezsetze. Wo im Sigibert si Armee bi dr Aisne uf em Chlothar II. siini neustrische Druppe gstossen isch, si dr Patrizier Aletheus und d Herzög Rocco und Sigwald desertiert und d Brunichilde und dr chlii König hai müesse flüchte. Si si bis zur Orbe bim Neueburger See cho, wo si im Chlothar siini Manne gfange hai. Dä het dr Sigibert und si Brueder Corbus no im gliiche Johr (613) lo umbringe und churz druf au d Brunichild, wo zerst z Renève im Burgund wäge vile Verbräche und Königsmord vor Gricht gstellt, drei Däg lang gfolteret und denn vierdeilt worden isch. Vo denn a het dr Chlothar d Herrschaft über s ganze Frankeriich gha.
Lueg au
[ändere | Quälltäxt bearbeite]| Vorgänger Theuderich II. |
König vo Austrasie und vo de Burgunder 613 |
Nochfolger Chlothar II. |
Noch em Ardikel "Sigibert II." uf dr dütsche, em Ardikel "Sigebert II" uf dr änglische, em Ardikel "Sigeberto II" uf dr spanische und em Ardikel "Sigebert II" uf dr französische Wikipedia.