D Shang-Dünastii

S Gebiet vo dr Shang-Dünastii

D Shang-Dünastii (chin. 商朝, shāng cháo) isch die zwäiti Dünastii in dr chinesische Gschicht gsi. Si het China zwüschen em 16. Joorhundert v. d. Z. bis öbbe zum 11. Joorhundert v. d. Z. regiert. Si isch noch dr Xia-Dünastii cho, wo mä drüber sich nid öinig isch, öb s sä überhaupt gee het, und isch vo dr Zhou-Dünastii abglööst worde. D Shang-Dünastii het as ersti chinesischi Dünastii zitgenössischi schriftligi Dokumänt hinderloo. Bsundrigs die spööteri Periode vo dr Shang-Dünastii, d Yin-Zit (殷), isch hüte seer guet undersuecht. Im Ganze si d Nääme vo 30 Köönig us 17 Generazioone überliiferet. Alli die Nääme het mä au uf de Orakelchnoche us Yinxu wider gfunde, so dass die mäiste Historiker drvo usgöön, ass die Köönig au daatsächlig gläbt häi.

D Herrscher vo dr Shang-Dünastii

D Herrscher vo dr Shang-Dünastii si wääred iirer Regierigszit Köönig gsi und erst noch iirem Dood Kaiser worde.

Räijefolg	Regierigszit *	Droonnaame us Shiji und Orakelchnoche	Vornaame **	Droonnaame in Pinyin
1	29	Tāng (汤) und Táng (唐), Dà Yǐ (大乙)	Lǚ (履)	Tāng (汤)	Im Shi Gui si Soon, het mit Erfolg gege dr letscht Xia-Köönig Jie rebelliert
2		太丁/大丁	Yǐ Diē (以跌)	Dà Dīng und Tài Dīng	Dr Soon vom Da Yi (d. h. Tāng)
3	2	卜丙 oder 外丙	胜	Bǔ Bǐng oder Wài Bǐng	Im Da Ding si jüngere Brueder
4	4	仲壬	庸	Zhòng Rén	Im Bu Bing si jüngere Brueder
5	33	大甲 oder 太甲	至	Dà Jiǎ	Im Da Ding si Soon
6	29	沃丁	绚	Wò Dīng	Im Da Jia si Soon
7	25	大庚 oder 太庚	辯	Dà Gēng	Im Wo Ding si jüngere Brueder
8	36	小甲	高	Xiǎo Jiǎ	Im Da Geng si Soon
9	75	大戊 oder 太戊	伷	Dà Wù	Im Xiao Jia si jüngere Brueder
10	12	雍己	密	Yōng Jǐ	Im Da Wu si jüngere Brueder
11	11	中丁	庄	Zhōng Dīng	Im Da Wu si jüngere Brueder
12	15	卜壬	发	Bǔ Rén	Im Zhong Ding si Soon
13	9	河亶甲 oder 戔甲	整	Hé Dǎn Jiǎ	Im Zhong Ding si Soon
14	19	且乙 oder 祖乙	滕	Qiě Yǐ	He Dan Jia si jüngere Brueder
15	16	且辛 oder 祖辛	旦	Qiě Xīn	Im Qie Yi si Soon
16	20	羌甲 oder 沃甲	踰	Qiāng Jiǎ	Im Qie Xin si jüngere Brueder
17	32	且丁 oder 祖丁	新	Qiě Dīng	Im Qie Xin si Soon
18	29	南庚	更	Nán Gēng	Im Qiang Jia si Soon
19	7	象甲 oder 阳甲	和	Xiàng Jiǎ	Im Qie Ding si Soon
20	28	盘庚	旬	Pán Gēng	Im Xiang Jia si jüngere Brueder. Dr Pán Gēng het d Hauptstadt Yin gründet. Für e baar Historiker gältet d Gschicht vo dr Shang-Dünastii erst vo iim aa as sicher.
21	21	小辛	颂	Xiǎo Xīn	Im Pan Geng si jüngere Brueder
22	21	小乙	敛	Xiǎo Yǐ	Im Xiao Xin si jüngere Brueder
23	59	武丁	昭	Wǔ Dīng	Im Xiao Xin si Soon
24	59	且己		Qiě Jǐ	Im Wu Ding si Soon
25	7	且庚 oder 祖庚	躍	Qiě Gēng	Im Qie Ji si jüngere Brueder
26	33	且甲 oder 祖甲	载	Qiě Jiǎ	Im Qie Geng si jüngere Brueder
27	6	廩辛	先	Lǐn Xīn	Im Qie Jia si Soon
28	6	康丁	嚣	Kāng Dīng	Im Qie Xin si jüngere Brueder
29	4	武乙	瞿	Wǔ Yǐ	Im Kang Ding si Soon
30	3	文丁 oder 太丁	托	Wén Dīng oder Tài Dīng	Im Wu Yi si Soon
31	37	帝乙	羡	Dì Yǐ	Im Wen Ding si Soon
32	33	帝辛	受	Dì Xīn	Im Di Yi si Soon, au chin. 纣, Zhòu (chin. 商纣王 „Zhòu-König der Shang-Dynastie“) gnennt

* D Jooresaagoobe stamme us Dokumänt, wo erst vil spööter entstande si; dorum si si historisch nit gsicheret.
** Die Nääme si möögligerwiis nit die richdige Nääme vo de Köönig. Es isch mööglig, ass es Eerenääme si, wo si posthum überchoo häi.

Litratuur

• Keightley, David N.: Sources of Shang History: The Oracle-Bone Inscriptions of Bronze Age China. Berkeley: University of California Press, 1985, Paperbackausgabe. ISBN 0-520-05455-5.
• Keightley, David N.: The Ancestral Landscape: Time, Space, and Community in Late Shang China (ca. 1200 – 1045 B.C.). China Research Monograph 53, Institute of East Asian Studies, Berkeley: University of California Press , 2000, Paperbackausgabe, ISBN 1-55729-070-9
• Thorp, Robert L. : China in the Early Bronze Age: Shang Civilization (Encounters with Asia), University of Pennsylvania Press, 2005, ISBN 0-8122-3910-5

Weblingg

 Commons: Shang-Dynastie – Sammlig vo Multimediadateie

• Suech no Shang-Dynastie in dr Dytsche Digitale Bibliothek (DDB)

D Epoche vorhäär Xia-Dünastii	Zitdaafele vo dr chinesische Gschicht	D Epoche noochhäär Zhou-Dünastii