D Qing-Dünastii

Us der alemannische Wikipedia, der freie Dialäkt-Enzyklopedy
S Gebiet vo dr Qing-Dünastii

D Qing-Dünastii (mandschurisch daicing gurun; chin. 清朝, qīng cháo, W.-G. ch'ing ch'ao), au Mandschu-Dünastii, isch 1616 vo de Mandschu under em Nurhaci gründet worde. Si het vo 1644 aa im Kaiserriich China gherrscht. Si het d Ming-Dünastii abglööst und iir Ändi isch 1911 choo, wo d Republik China am 1. Januar 1912 errichdet worde isch.

D Qing-Dünastii isch noch dr mongolische Yuan-Dünastii die zwäiti Dünastii z China gsi, wo nit vo Han-Chinese gründet worde isch. Si het uf em Ufstiig vom Volk vo de Dschurdsche basiert, wo as Jin Dünastii vo 1125 bis 1234 und spööter as die Spöötere Jin (chin. 後金, hòujīn) in Nordchina gherrscht häi. 1635 häi d Dschurdsche sich afo Mandschu nenne. Vo 1636 aa het d Dünastii sälber Qing ghäisse.

Litratuur[ändere | Quälltäxt bearbeite]

  • Jacques Gernet: Die chinesische Welt. Die Geschichte Chinas von den Anfängen bis zur Jetztzeit. Insel-Verlag, Frankfurt am Main 1979, ISBN 3-458-05503-7.

Weblingg[ändere | Quälltäxt bearbeite]

 Commons: Qing-Dynastie – Sammlig vo Multimediadateie
D Epoche vorhäär
Ming-Dünastii
Zitdaafele vo dr chinesische Gschicht D Epoche noochhäär
Republik China