Senesino

Dr Senesino, äigentlig Francesco Bernardi (* 31. Oktober 1686 z Siena; † 27. Novämber 1758)^[1] isch en italiänische Kastraat mit ere Mezzosopran-Stimm gsi. Dr Umfang vo sinere Stimm isch vo g bis g² gange. Er isch vor allem as Operesänger z London erfolgriich gsi.

Si Lääbe

Im Senesino si erst dokumentiert Ufdritt isch 1707 z Venedig gsi, denn isch er vo äinere italiänische Stadt in die anderi gräist. Vo 1717 aa isch er am Dresdner Hoof aagstellt gsi. 1719 isch dr Georg Friedrich Händel uf Dresde choo und het en für si Opereakademii welle. Dr Senesino isch erst im Dezämber vom neggste Joor uf London cho und isch äini vo de Attrakzioone vo dr Akademii gsi, bis dass si 1728 ufglööst worde isch. Mit de Helderolle in Opere wie Giulio Cesare und Riccardo Primo het er groosse Erfolg bim Publikum ghaa. Er isch denn zrugg uf Italie; wo dr Händel aber e zwäiti Opereakademii ufdoo het, isch dr Senesino vo 1730 aa wider drbii gsi. Er het sich aber mit em Händel verchracht und isch 1733 mit andere Sänger zämme zur Konkurränz gange, dr Opera of the Nobility, wo men ere denn mänggisch au d Opere vom Senesino gsäit het. 1734 isch au dr Farinelli, en andere berüemte Kastraat zu sinere Opere choo. Bäidi Operedrubbe si schliesslig 1737 iigange und dr Senesino isch uf Italie zrugg

Weblingg

Commons: Senesino – Sammlig vo Multimediadateie

https://web.archive.org/web/20130610121841/http://www.haendel.it/interpreti/old/senesino.htm (italiänisch)

Fuessnoote

↑ Vickers, David und Vitali, Carlo: Senesino in: Landgraf, Annette und Vickers, David: The Cambridge Handel Encyclopedia, Cambridge University Press 2009, ISBN 978-0521881920, S. 581

Dä Artikel basiert uff ere fräie Übersetzig vum Artikel „Senesino“ vu de dütsche Wikipedia. E Liste vu de Autore un Versione isch do z finde.

[Vickers-1] Vickers, David und Vitali, Carlo: Senesino in: Landgraf, Annette und Vickers, David: The Cambridge Handel Encyclopedia, Cambridge University Press 2009, ISBN 978-0521881920, S. 581

[1]