Regierigssystem

D Regierigssystem uf der Wält
Republikanischi Staatsform: ██ Presidentiells Regierigssystem ██ Semipresidentiells Regierigssystem ██ D Exekutive isch ans Palamänt bunde ██ Parlamentarischs Regierigssystem ██ Eiparteiesystem ██ Die verfassigsmässigi Regierig isch gstürzt worde (de facto meistens Militärdiktature) Monarchische Staatsform: ██ Parlamentarischi Monarchii ██ Konstitutionelli Monarchii ██ Absoluti Monarchii ██ sustigi System oder unklari politischi Situatione Stand: 2012

Es Regierigssystem beschriibt di formali Usgstaltig und d Funkzionswiis von ere Regierig. S Wort Regierigssystem wird glägetli au als Synonym für de Begriff „politisches System“ bruucht, au wänn letschters im eigetliche Sinn en abstraktere Begriff isch.

Zäntral für d Typologisierig vom e Regierigssystem isch d Frag, wie s Staatsoberhaupt, de Regierigschef und s Parlamänt zunenand stönd bzw. d Kompetänze vo de einzelne politische Instituzione.

Underscheidig

Wichtegi Regierigssystem sind:

• i Republike:
  • präsidäntiell (de Präsidänt hät wiitrichendi Befuegniss und isch Staatsoberhaupt und Regierigschef i eim; d Regierig bruucht ekei Mehrheit im Parlamänt)
  • semipräsidäntiell (e Mischform zwüsche präsidäntiell und parlamentarisch)
  • parlamentarisch (d Regierig mues e Mehrheit im Parlamänt ha, s Parlamänt staht aso im Mittelpunkt vo de Staatsgwalt)
  • System vo de Exekutive, wo as Parlamänt bunden isch (e Sonderform, wo d Regierig vom Parlamänt gwählt wird und abhängig isch vom nämlige Vertroue)
  • Direktorialsystem (es Direktorium, wo vom Parlamänt gwählt isch, als Kollektivorgan, wo Träger vo de Regierigsgwalt und ex post nöd vom Vertroue vom Parlamänt abhängig isch)
  • Einparteiesystem (es existiert nur ei wählbari politischi Partei.)

• i Monarchie:
  • absoluti Monarchii (de Monarch hät di unigschränkti Macht)
  • konstituzionelli Monarchii (de Monarch wird dur e Verfassig igschränkt, und es git es Parlamänt, wo bi de Gsetzgäbig und de Stüüre mitredt)
  • parlamentarischi Monarchii (d Regierig mues e Mehrheit im Parlamänt ha, und daademit isch d Macht vom Monarch starch iigränzt)

Literatur

• Jürgen Hartmann: Das Regierungssystem. Definition, Typologie und politiktheoretischer Hintergrund. In: Jürgen Hartmann: Westliche Regierungssysteme: Parlamentarismus, präsidentielles und semi-präsidentielles Regierungssystem. VS Verlag, 2005, ISBN 3-531-14221-6, S. 15 ff.

Dä Artikel basiert uff ere fräie Übersetzig vu dere Version vum Artikel „Regierungssystem“ vu de dütsche Wikipedia. E Liste vu de Autore un Versione isch do z finde.