Scott Chipperfield

Us der alemannische Wikipedia, der freie Dialäkt-Enzyklopedy
Scott Chipperfield
Personalia
Name Scott Kenneth Chipperfield
Wänn uf d Wält choo 30. Dezember 1975
Wo uf d Wält choo SydneyAustralie
Größi 180 cm
Position linkes/zentrales Mittelfeld

2 Stand: 8. März 2009

Dialäkt: Baseldütsch

Dr Scott Chipperfield (* 30. Dezämber 1975 in Wollongong) isch en ehemoolige auschtralisch-schwizerische Brofifuessballspiler uf dr Position vomene Mittelfäldspiler im lingge oder zentrale Mittelfäld. Bis 2012 het är für e FC Basel in dr höggschte Schwizer Spilklass, dr Axpo Super League gspiilt.

Vereinskarriere[ändere | Quälltäxt bearbeite]

Dr Chipperfield het sini aktivi Karriere als Fuessballspiler bi de Bellambi Rosellas aagfange, nochhäre het är zu Tarrawanna und den zu Ferhill gwäggslet. Vo 1996 bis 2001 isch är im Kader vom Wollongong FC gstande, für welle är bis zu sim Angang 131 Spil bestritte het. Mit em Wollongong FC isch är in de Joor 2000 und 2001 Meischter vo dr National Soccer League worde und isch in de Saisons 1999/2000 und 2000/01 als Person mit dr Johnny Warren Medal uszeichnet worde. Als witeri Uszeichnig het är in dr Saison 1999/2000 d Joe Marston Medal griegt.

FC Basel[ändere | Quälltäxt bearbeite]

Sit dr Saison 2001/02 spilt dr Chipperfield als Linksusse bim FC Basel, wo är als Stammspiler in dr Super League spilt und au zahrichi Spil in dr Champions League und im UEFA-Cup beschtritte het. Bis jetzt het är für d Schwizer über 200 Spil beschtritte und drbi über 40 Goals gschosse. Mit em Schwizer Traditionsclub het är in de Saisons 2001/02, 2003/04, 2004/05 und 2007/08 d Schwizer Meischterschaft gwunne. Denn het är mit sim Team in de Joor 2002, 2003, 2007 und 2008 dr Schwizer Cup, sowie in de Joor 2003, 2006 und 2008 dr Schwizer Uhrecup gwunne. Dr Chipperfield isch bim Basler Publikum wäge sinere kämpferische, schnälle und effiziänte Spilwiis üsserscht beliebt gsi. In dr Saison 2008/09 isch är trotz zahlriche Verletzige mit 12 Träffer clubintärne Torschützekönig worde. 2012 het er sich vom Brofischutte zruggzooge. Sithäär isch er bim FC Aesch aktiv.

International[ändere | Quälltäxt bearbeite]

Vo 1998 bis 2010 isch dr Chipperfield im Kader vo dr auschtralische Fuessballnationalmannschaft 68 mol iigsetzt worde und het drbi 12 Goal gschosse. Im Joor 2000 het er mit Auschtralie dr OFC-Nations-Cup gwunne und 2006 an dr Fuessball-Wältmeischerschaft z Dütschland deilgnoh. Bi dr Fuessball-Wältmeisterschaft 2010 het er noch em Grubbespiil gege Serbie, wo Australie 2:1 gwunne het, si Rückdritt us dr Nationalmannschaft bekannt gee.

Privat[ändere | Quälltäxt bearbeite]

Im April 2007 het dr Scott Chipperfield durch d Hüroot mit ere Schwizere zuesätzlich zur auschtralische au d Schwizer Staatsbürgerschaft griegt.

Weblinks[ändere | Quälltäxt bearbeite]