S Schwizerische Wirtschaftsarchiv
| S Schwizerische Wirtschaftsarchiv
| |
|---|---|
 UB Wirtschaft − Schweizerisches Wirtschaftsarchiv in der Universität Basel | |
| Ort | Baasel |
| Bsuecheradrässe | Peter Merian-Wääg 6 |
| Gründig | 1910 |
| ISIL | CH-000133-4 |
| Drääger | D Uniwersidäät Baasel und d Stifdig zur Förderig vom SWA |
| Website | www.wirtschaftsarchiv.ch |
| Dialäkt: Baseldütsch |
S Schwizerische Wirtschaftsarchiv (SWA) isch es Archiv z Basel.
Es dokumentiert d Wirtschaftsgschicht und d Wirtschaftspolitik vo dr Schwiz und sicheret Archiv vo dr brivate Wirtschaft. Es befindet sich am Peter Merian-Wääg 6 und isch dr Baasler Uniwersidäätsbibliothek aagliideret. Sit 1980 isch s au under em Dobbelnaame WWZ-Bibliothek/Schweizerisches Wirtschaftsarchiv bekannt.[1]
S Archiv isch äins vo dr Kulturgüeter im Kanton Basel-Stadt Baasel, wo nazionali Bedütig häi.
Dr Ufdraag[ändere | Quälltäxt bearbeite]
S SWA isch s nazionale Kompetänzzentrum für Wirtschaftsinformazion und Wirtschaftsgschicht. Zämme mit dr Bibliothek vom Wirtschaftswüsseschaftlige Zentrum vo dr Uniwersidäät Baasel (WWZ) isch s en integrierte Betriib vo Archiv, Bibliothek und Dokumentazionsstell und stellt dr Forschig und dr Öffentlikäit aktuelli und historischi Informazione über d Wirtschaft in dr Schwiz zur Verfüegig.
S SWA sammlet näbe de Firme- und Verbandsdokumentazione au organisazionsinterni Underlage vo Firme, Verbänd und Instituzione, Noochläss vo Persone, wo für d Wirtschaft und d Wirtschaftspolitik vo dr Schwiz vo Bedütig gsi si, d Ortsgschichte vo alle Gmäinde in dr Schwiz und as EU-Informazionszentrum d Publikazione vo dr Öiropäische Union zu wirtschaftlige, politische und soziale Theme.[1]
Gschicht[ändere | Quälltäxt bearbeite]
Dr Staatsarchiwar Rudolf Wackernagel het scho 1877 aagfange, au nid-staatligi Archiiv ufznee und het en umfangriichi Sammlig vo Druckschrifte aagläit, wo d Basis vom hütige Archiiv bildet. S Wirtschaftsarchiiv isch 1910 as en Abdäilig vom Baasler Staatsarchiiv gründet worde. Under em erste, vollamtlige Archiwar, em Brofässer und Regierigsroot Fritz Mangold (1871-1944), isch ss SWA am Aafang vo de 1920er Joor vom Staatsarchiv abdrennt worde, isch aber au witer bis 1943 em Departemänt vom Innere vom Kanton Basel-Stadt understande. Denn isch s em Erziejigsdepartemänt understellt worde und het mee und mee si Rolle as Archiiv verloore.[1]
1976 isch zur Öffentlige Bibliothek vo dr Uniwersidäät Baasel (UB) cho bis es 1988 mit dr Fachberiichsbibliothek für Wirtschafts- und Sozialwüsseschafte vom Wirtschaftswüsseschaftlige Zentrum vo dr Uni (WWZ) zämedoo worde isch und im Rosshof am Petersgrabe undercho isch. Vo denn aa het s "WWZ-Bibliothek/Schweizerisches Wirtschaftsarchiv" ghäisse. Die historische Archiiv si wider ufgwärtet worde und in de 20 Joor druf häi sich sini Bestand verdobblet.[1]
Im Februar 2009 si d WWZ-Bibliothek und s SWA zämme mit dr Wirtschaftswüsseschaftlige Fakultäät vom Rosshof ins Jacob Burckhardt-Huus bim Baanhoof SBB züüglet. Sit 2013 häisse si "Universidäätsbibliothek Wirtschaft - Schwizerischs Wirtschaftsarchiiv" oder abkürzt "UB Wirtschaft - SWA".[1]
