Schwizerischi Uusstellig für Frauenarbet SAFFA

Us der alemannische Wikipedia, der freie Dialäkt-Enzyklopedy

D SAFFA, die Schwiizerisch Uusstellig für d Frauenarbet, isch en Uusstellig in dr Schwiiz, wo s Schaffe vo de Fraue tuet zeige.

d SAFFA z Bärn

Bis jetz isch die Uusstellig zwöimol duregfüert worde, ane 1928 z Bärn und ane 1958 z Züri.

Als Organisatoore sind grossi Organisazioone vo Fraue ufträtte: dr Bund vo de Schwiizer Fraueverein (BSF), dr Gwärbverband vo de Fraue, dr Schwiizerisch Katolisch Frauebund (SKF) und anderi. Es goot de Iniziantinne trum, mit attraktyven Uusstellige düütlech z mache, wie wichtig d Leischtig vo de Fraue für d Gselschaft und für die ganzi Wirtschaft vom Land isch.

Z Bärn isch’s a dr SAFFA 1928 bsunders um d Arbet im Huus und für d Familie ggange. Drzue ane het men au Sache vo dr Buurewält, de Fabrigge, vo Wüsseschaft und Kunscht chönne gsee. Scho denn hend d Fraueverein luut politischi Verbesserige wie s Fraueschtimmrächt verlangt. E bekanti Architektin vo dr SAFFA 1928 isch d Lux Guyer gsi.

d SAFFA z Züri

Drissg Joor spööter isch z Züri bi Wolishofe uf dr Landiwise am Zürisee die zwöit SAFFA gsi. S Motto vo denn isch gsi: s Läbe vo dr Frau für d Familie, de Pruef und s Land. D Scheffarchitektin isch d Zürcherin Annemarie Hubacher gsy. Vo däm Projäkt het no hütt d Saffa-Insle im Zürisee dr Name.

Literatur[ändere | Quälltäxt bearbeite]

  • Yvonne Voegeli: Saffa. In: Historisches Lexikon vo dr Schwiiz.
  • M. Beyeler: La SAFFA (Schweiz. Ausstellung für Frauenarbeit) de 1958 à Zurich: son architecture et ses architectes. Dissertation, Lausanne 1999.
  • Dorothee Huber: Die Tugend der Not. Zu den beiden historischen Ausstellungen für Frauenarbeit (SAFFA 1928 und 1958). In: Ausstellungen - Darstellungen, Beiträge zum Diplomwahlfach "Frauen in der Geschichte des Bauens", Bd. 3, Zürich 1996.

Weblink[ändere | Quälltäxt bearbeite]

 Commons: Schwizerischi Uustellig für Frauenarbet – Sammlig vo Multimediadateie