Schnüriger

D' Schnüriger sind e alts Gschlächt vo freie Landlüüt us em Steinerviertel z'Schwyz. S'erscht Mal dokumentiert im zwölfte Jahrhundert. Ursprüngli Schnüerliger, wie im Flurname "Schnüerle" (gliichbedütend wie klini Rüfe Mure, Murgang) i de Gmeind Sattel (Schwyz).

Über vili Hundert Jahr immer wider tüchtigi Kärli i de Politik und im Militär (Schwyzer Landvögt und Tagsatzigsdelegierti in de alte Eidgenosseschaft):

• Frei von Snürigen †1386 bi Sempach;
• Werner Schnüriger †1515 bi Marignano;
• Melchior (1778-1836), Oberstlieutenant, Offizier z'Frankrich und z'Neapel, Ritter vom heilige Ludwigsorde, schwyzerische Chriegskommissär, hät verfasst: "Ideen über den Gebrauch der Scharfschützenwaffe bei stehenden Heeren" (1819);
• Arnold (1824-1876), Hauptme z'Neapel, u. a. Inhaber vo de Fäldzugmedallie vo Gaëta, verhüratet mit ere Fürschtin Caracciolo vo Neapel.