Schloss Rynach
S Schloss Rynach (dt. Schloss Reinach) isch e Hotäl- un Reschtaurantaalaag am Fueß vum Dunibärg z Munzinge, em siidligschte Stadtdail vu Fryburg.
Gschiicht
[ändere | Quälltäxt bearbeite]S Schloss Rynach wird zum eerschte Mol gnännt in ere Uurkund us em 17. Joorhundert. S isch as Guethoof böue woore un isch näb eme Wasserschloss gstande, wu im Dryssgjeerige Chrieg zum Dail gschlosse wooren isch- Vu däm Wasserschloss isch hite nume no ne Rundduurm erhalte.
Aaloss fir di uurkundli Nännig vu Schloss Rynach isch d Hochzyt vu dr Eedellyt Hans Adam vu Pforr un Maria Cleopha vu Rynach gsii. Die het au 1626 dr Daifstai in dr St. Stephanschilche vu Munzinge gstiftet un het dodermit e eerscht Zaiche vu dr Minzinger Linie vu dr Familie gee. Uf em Daifstai cha mer näb dr Jooreszaal 1626 au d Woobe vu dr Familie vu Pforr un vu Rynach sääne. D Maria Cleopha isch e wiichtigi Person gsii un het noch ere zwoote Hochzyt s gsamt Vermeege irem Näffe Beat Melchior vu Rynach vermacht.[1]
Um 1750 isch s Aawääse in dr Bsitz vu dr Familie vu Kageneck iibergange. Di neechere Umständ wai mer nit. Dur dr 250-jeerig Bsitz vu dr Familie vu Kageneck leen si vyl Merkmool vum Böu bis hite verfolge. As Guetshoof isch s Schloss Rynach vor allem fir d Landwirtschaft bruucht woore.[2]
Anne 1870 het e Brunscht dr Guetshoof fascht ganz gschlisse, wäge däm het mer en mieße nei ufböue. Bis anne 1969 isch s gsamt aawääse as ain vu dr greeschte Guetsheef in dr Region no voll im Bedriib gsii.[3]
Hotäl- un Reschtaurantaalaag
[ändere | Quälltäxt bearbeite]Anne 1991 isch s gsamt Aawääse reschtauriert un as Hotelaalaag, Reschtaurant un Daagigszäntrum im Joor 1993 ufgmacht woore. Scho bal isch d Bedryybergsellschaft aber in finanziälli Schwiirigkaite chuu un Schloss Rynach isch fascht drei Joor lang vun ere Insolvänzverwaltig gfiert woore.[4] Anne 2007 isch s Hotäl in Bsitz vum Gaschtronoome- un Hoteliereebaar René un Beatrix Gessler iibergange, wu di ganz Hotälaalaag modärnisiert un uusgwytet hän.[5] S Hotäl wird unter anderem vu dr Golfer*ne vum Munzinger Golfclub bruucht, derzue finde kulturälli Veraastaltige statt.[6] Uf em Hoof het s meereri Reschtaurant.[7] S Reschtaurant Herrehus isch im Guide Michelin ab 2014 mit eme Stäärn ufgfiert woore. Ändi 2019 hän d Bsitzer e Änderig vum Gaschtronomykunzäpt unter Verziicht uf dr Stäärn verchindet.
Weblink
[ändere | Quälltäxt bearbeite]- Offiziälli Websyte vu Schloss Rynach
- Familie vu Kageneck in Neues allgemeines deutsches Adels-Lexicon
- Golfclub Tuniberg - Hotels
Fueßnote
[ändere | Quälltäxt bearbeite]- ↑ Schlossgeschichte. Vom historischen Gutshof zur besonderen Hotelkultur
- ↑ Burgen und Schlösser: Geschichte von Schloss Reinach
- ↑ Alemannische Seiten: Schloss Reinach
- ↑ Schloss Reinach insolvent, Allgemeine Hotel- und Gastronomie-Zeitung, 20. Novämber 2004
- ↑ Das Schloss lebt wieder, Allgemeine Hotel- und Gastronomie-Zeitung, 21. Juni 2008
- ↑ Im Sommernachtstraum, Badische Zeitung, 1. Juni 2011
- ↑ s’ Herrehus im Schloss Reinach Badische Zeitung vom 15. September 2008
Koordinate: 47° 58′ 6,4″ N, 7° 41′ 53,8″ O
|
Dä Artikel basiert uff ere fräie Übersetzig vu dere Version vum Artikel „Schloss_Reinach“ vu de dütsche Wikipedia. E Liste vu de Autore un Versione isch do z finde. |