Schloss Munzinge

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Schloss Munzinge

S Schloss Munzinge im Fryburger Stadtdail Munzinge lyt uf em Schlossbuck.

Gschiicht[ändere | Quälltäxt bearbeite]

S Schloss isch vum Johann Friedrich von Kageneck (1633–1705) anne 1672 böue loo woore. Däm sy Noofolger´, dr Ryychsgroof Johann Friedrich Fridolin von Kageneck het im 18. Joorhundert e baar Dail barock umböue loo, waarschyyns no Blään vum Johann Jakob Fechter. Dr Chilchemooler Simon Göser het in däm Zuug dr Plafond im Spyyssaal mit eme antike Getterhimmel aagmoolt.

In dr Zyt vum Eeschtryychische Eerbfolgchrieg het dr franzeesisch Cheenig Ludwig XV. 1744 s Schloss bruucht, wu d Kageneck in d Schwyz gflichtet sin. Di napoleonische Druppe hän d Gebei gschlisse. Im Zweete Wältchriegb het dr Volkssturm s Aawääse bsetzt, derno di franzeesische Druppe.

D Familie Kageneck het d Gebei, wu unter Dänkmoolschutz stehen, e baar Mool reschtauriere loo un bruucht s au hite no. Fir d Reschtaurierige vum Kultuurdänkmool het s Feerdermittel vu dr Dänkmoolstiftig Baade-Wiirttebäärg gee, zletscht fir dr dänkmoolpfläägerisch wäärtvoll Walmdachstuel.

D Dänkmoolstiftig Baade-Wiirttebäärg het s Schloss zum Dänkmool vum Moonet Augschte 2017 ernännt.

Architäktuur[ändere | Quälltäxt bearbeite]

S Schloss isch dreisteckig im Stil vu dr Renaissance böue un het e zweesteckig Dach. D Fassaade sin speeter im Stil vum Rokoko verziert woore. D Yygangshalle isch e pfyylergstitzt Chryzgwelb un bildet au dr Zuegang zue dr Huuskapäll. Dr zuegheerig Hoof isch vu aisteckig Gebei yygfriidet, wu uurspringli as Stääl, Laager iun Wäärchstätt bruucht woore sin.[1] Zur Schlossaalag gheert e Paarkaalaag mit Lindenallee un eme alte hoochwärtige Baumbstand.

Quälle[ändere | Quälltäxt bearbeite]

Fueßnote[ändere | Quälltäxt bearbeite]

  1. Fototreff „ S C H L O S S M U N Z I N G E N “

Koordinate: 47° 58′ 13″ N, 7° 41′ 55,9″ O

Information icon.svg Dä Artikel basiert uff ere fräie Übersetzig vu dere Version vum Artikel „Schloss_Munzingen“ vu de dütsche Wikipedia. E Liste vu de Autore un Versione isch do z finde.