Samudragupta

Us der alemannische Wikipedia, der freie Dialäkt-Enzyklopedy
Samudragupta
Kaiser vo Gupta
Dr Samudragupta bi dr Garuda Süüle
Regierigsziit öbbe 335 bis öbbe 375 n. d. Z.
Name Samudragupta Asokaditya Priyadashin
Titel Vikramank, Kaviraaj, Ashwamedhkarta
Vorgänger Chandragupta I.
Nochfolger Ramagupta
Verhürotet mit Dattadevi

Dr Samudragupta isch vo öbbe 335 bis öbbe 375 n. d. Z. Kaiser vo Gupta gsi. Er isch dr Noochfolger vom Gründer vo dr Guota Dünastii, Chandragupta I. gsi. Er wird as äins vo de grösste milidäärische Schenii in dr indische Gschicht aagluegtudn möögligerwiis dr grösst Herrscher us dr Gupta Dünastii. Under iim het s Goldige oder klassische Zitalter vo Indie aagfange. Wien er uf e Droon cho isch, waiss mä nid. Es git die, wo dänke, ass dr Vater dr Samudragupta sine eltere Brüeder vorzooge het, anderi glaube, ass er sich dr Droon erkämpft het. Uf alli Fäll het er zerst für Rue im Riich müesse sorge, denn het vo dr Geegend vom hütige Delhi us het er s Pallava Köönigriich im Süüde[1] aagriffe, dr Köönig Vishnugopa gschlaage und iin und anderi Köönig wider iigsetzt und Dribut von ene erhoobe. D Gebiet im Norde hingeege het er zum Gupta-Riich doo. Uf sim Höepunkt get er fast s ganze Gangesdaal beherrscht und d Herrscher vo de östlige Bengale, vo Assam, vo Nepal, vom östlige Punjab und verschidnigi Stämm us Radschaasthan sin em cho huldige. Im Ganze het er nüün Köönig abgsetzt und zwölf underworfe.

Dr Samudragupta isch sälber e Dichder und Musiker gsi, het sich mit Künstler umgee und het d Gleersamkäit gförderet. Er het zwar die hinduistischi Religioon vorzooge, isch aber tolerant gsi gegenüber andere Religioone. So het er zum Bischbil em Köönig vo Ceylon erlaubt, z Bodh Gaya e Chloster für buddhistischi Pilger z baue.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. im Gebiet vom hütige Tamil-Nadu
Dä Artikel basiert uff ere fräie Übersetzig vum Artikel „Samudragupta“ vu de änglische Wikipedia. E Liste vu de Autore un Versione isch do z finde.