Samba

Us der alemannische Wikipedia, der freie Dialäkt-Enzyklopedy
Dä Artikel behandlet dr Samba as Danzstiil. Für e Samba as Muusigstiil lueg doo.

Dr Samba (portugiisisch o samba) isch e Gsellschaftsdanz im 2/4-Takt. Er het sich im Lauf vom 19. Joorhundert us em brasilianische Volksdanz mit em gliiche Naame entwigglet.

Äigeschafte[ändere | Quälltäxt bearbeite]

Dr Dario Pizzo und d Karen d'Albundo, Frankriich, bi dr Austrian Open Championships Vienna, 2012

Dr Danz wie au d Muusig si ursprünglig mit verschleppte afrikanische Sklave uf Brasilie choo. Us däm dradizionelle Danzstiil het sich dr öiropäisch Gsellschaftsdanz entwigglet, wo kuum no öbbis mit em populäre brasilianische Danz gmäinsam het.

Tüpisch für e Samba si dütligi, schnälli Beweegige vo de Hüfte und e Vor-und-Zrugg vom Unterkörper, wo men em Bounce säit. Dr Samba isch kä stazionäre Danz und mä bewegt sich drbii fliessend über s Parkett.

Uf Durnier danzt mä mit eme Tempo vo 44 bis 53 Takt bro Minute. Es git verschiideni Rhüthmus im Samba. Mä underschäidet zwüschen em Körperrhütmus und em Fuessrhüthmus. Dr Körperrhüthmus isch brägt dur langsami (slow) Vorwärts-und Ruggwärtsbewegige vom Becki. Je noch dr Art vo dr Danzfigur entstoot en andere Rhüthmus vo de Füess. Dr Grundrhüthmus vo de eender stazionäre Figure wird uf Änglisch one-a-two bezäichnet. Drbii bestoot e 2/4-Takt us drei Schritt, dr erst Schritt isch 3/4 vom ene Schlag lang, dr zwäit 1/4 und dr dritt Schritt e ganze Schlag. Dä Grundrhüthmus wird hüfig abgänderet. Bro Takt si drei Beweegige vo de Hüfte mööglig, d Batucadas, was au e Bezäichnig für e Stiilrichdig im Samba isch. Wemm mä in ere Figur e „Quick“ danzt, duet mä nid bounce.

Litratuur[ändere | Quälltäxt bearbeite]

  • G. Krombholz, A. Leis-Haase: Richtig Tanzen 1: Samba, Cha-Cha-Cha, Rumba, Paso-Doble, Jive - mit Mambo/Salsa. 1989, ISBN 3405137454
  • H. A. Augst: Das große Buch der lateinamerikanischen Tänze: Von Cha-Cha-Cha bis Samba. 1995, Humboldt-Taschenbuch-Verlag, ISBN 3581669668
  • ISTD (Hrsgb.): Latin American Samba London, 2000
  • Walter Laird: Technique of Latin Dancing, Brighton, 1998

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Samba_(Tanz)“ vu de dütsche Wikipedia. E Liste vu de Autore un Versione isch do z finde.