Salvo

Us der alemannische Wikipedia, der freie Dialäkt-Enzyklopedy

Dr Salvo (eigentlich Salvo Ingrassia; * 9. Januar 1952) isch ä Sänger und Liädärmachär us em Glarnerland. Er chunnt urschprünglich us Italiä. Sin Vatter isch ä musiziärändä Gwafför gsii. Er isch Primarlehrer gsii und setzt sit em Sibenesibezgi voll uf d' Charte vu d'r Musig. I dem Jaar isch er au Bürger vu Netschtel wordä. Z' Glarus, i sym Wohnort, het er es eiges Uufnahmstudio gchaa. Landeswyyt bekannt isch er am Grampri vu d'r Volksmusig im Nünenachzgi wordä mit sim Liäd „Losed Si Frau Küenzi“. Begläitet hät in d' Superländlerkapällä vum Carlo Brunner. Er het au vill Chinderlieder komponiert, wu-n-er mit siner Gitarre begläitet. Langi Zyt het er in Au im aargauische Friiamt gwohnt. Sit em Summer 2008 isch er wider Lehrer z' Schwande im Glarnerland.

Diskografii[ändere | Quälltäxt bearbeite]

  • Guetnacht Gschichtli mit em SALVO Vol. 1 (1980)
  • Guetnacht Gschichtli mit em SALVO Vol. 2 (1982)
  • Luscht zum Läbe /Remix 98 (1998)
  • Portrait 1980-2001 (2001)
  • Canzoni (2005)
  • Liäbi (2005)
  • Made In Switzerland (2006)
  • Natale (2008)
  • 20 Jahr Frau Küenzi (2008)

Weblink[ändere | Quälltäxt bearbeite]