Saint-Gingolph (Haute-Savoie)

Us der alemannische Wikipedia, der freie Dialäkt-Enzyklopedy
San Zhingueû
Verwàltung
Land Frànkrich
Region Auvergne-Rhône-Alpes
DépartementHaute-Savoie (74)
ArrondissementThonon-les-Bains
KàntonÉvian-les-Bains
KommünàlverbàndPays d'Évian Vallée d'Abondance
Àmtliga NàmaSaint-Gingolph
MaireGéraldine PFLIEGER (2014-2020)[1]
Code Insee74237
Poschtlaitzàhl74500
Iiwohner
Iiwohner895
Flech7,33 km2
Bevelkerungsdicht93,72 Iiw./km2
Làg
Koordinate46° 23′ 32″ N, 6° 48′ 07″ E / 46.392222222222°N,6.8019444444444°E / 46.392222222222; 6.8019444444444Koordinate: 46° 23′ 32″ N, 6° 48′ 07″ E / 46.392222222222°N,6.8019444444444°E / 46.392222222222; 6.8019444444444
Hechem
San Zhingueû hemen kokatua: Frànkrich
San Zhingueû
San Zhingueû
San Zhingueû (Frànkrich)
Website
http://www.st-gingolph.fr

Saint-Gingolph isch e französischi Gmeind im Departemänt Haute-Savoie. Si het öppen 800 Ywooner.

Im frankoprovenzalische Dialäkt seit men em Dorf San Zhingueû oder au Sent-Gingolf.

Geografy[ändere | Quälltäxt bearbeite]

S Dorf lyt am Gämfersee und ufem schmale Uferstreife under em Bärgmassyv, wo dr höchscht Gipfel d Dent d’Oche isch. Es isch e Gränzort zu dr Schwiiz.

Gschicht[ändere | Quälltäxt bearbeite]

Der hütig Ortsname chunt vom heilige Gangolf, wo sid ane 755 do im Wald am See gwohnt het. Es het aber i dere Gägend scho ane 515 es Dorf gha; das het Bresti gheisse. Dr nöi Name vom Dorf chunt s erschte Mol in ere Urkunde vom Joor 1153 vor. Es isch im Land vo de Grafe vo Savoie gsi.

Ane 1536 isch die Region so wie aus s Waadtland vo de Bärner und de Walliser eroberet worde, und 1569 isch bim Fridensvertrag vo Thonon zwüsche dene äiggnössischen Oort und Savoie d Landesgränze zmitz dur Saint-Gingolph dure zoge worde. Drum git’s hüt im Dorf die beide Gmeinde Saint-Gingolph vo Haute-Savoie und Saint-Gingolph im Wallis, und im Dorf inn isch dr Zollposchte vo beide Länder. Di kaddolischi Chile vom Dorf vo ane 1770 stoot im französische Saint-Gingolph und im Bischtum vo Annecy – dr Fridhof isch au für die Toote vom schwiizerische Dorfdeil, wo me über d Landesgränze muess überebringe. Ane 1860 wäre d Lüüt vom französische Saint-Gingolph so wie d Mehrheit vo de Ywwoner vo Hoch-Savoie gärn zu dr Schwiiz cho, aber d Schwiizer Bundespolitiker z Bärn händ dass nid welle.

Der Wääg em See noo, under em stotzige Bärghang, isch die einzegi internazionali Passaasche südlech vom Gämfersee, wo nid über en hööche Bärgpass goot. Es git e Autostrooss und sid 1886 en Ysebaanlinie, wo dr Übername Tonkin-Linie überchoo het, wil d Landschaft d Boulüüt während dr Arbet a die schwiregi Ysebaan vo Tonkin z Nordvietnam, im dozmol französische Protektorat Indochina erinneret het. D Baan em Gämfersee noo isch aber sid 1998 zue.

Bilder[ändere | Quälltäxt bearbeite]

Weblink[ändere | Quälltäxt bearbeite]

 Commons: Saint-Gingolph (Haute-Savoie) – Sammlig vo Multimediadateie

Fuessnoote[ändere | Quälltäxt bearbeite]

  1. Liste des maires au 25 avril 2014 (data.gouv.fr)