D Südseeblootere

Us der alemannische Wikipedia, der freie Dialäkt-Enzyklopedy
Annuität vo dr South Sea Company über 820£ mit 4 % Jooreszins (1730)
South Sea Bubble im Stil vom Hogarth vom E. M. Ward (19. Joorhundert)
The South Sea Scheme vom William Hogarth (zitgenössisch)

D Südseeblootere (ängl. South Sea Bubble, au Südsee-(Börse)schwindel) vo 1720 isch e bedütendi Spekulazioonsblootere in dr früeje Nöizit gsi. Es het scho vorhäär Spekulazioonsblootere gee wie die Groossi Dulpemanii in Holland wo 1637 blatzt isch.


Dr Börsebuum[ändere | Quälltäxt bearbeite]

Z London het sich am Aafang vom 18. Joorhundert e Wärtbabbiirbörse entwigglet. D Handelsgsellschaft South Sea Company, wo 1711 gründet worde isch, het groossi Brofit im Handel vo exotische Brodukt, Roostoff und Sklaave in dr Südsee versproche, aber e Handelsräis in d Südsee im Joor 1717 isch nid grad en Erfolg gsi. Drfür het d South Sea Company d Staatsschulde (vo dr Bank vo Ängland) in dr Hööche vo 9 Millione Pfund übernoo und e Jooreszins vo 6 % versproche. Si het drfür d Bewilligung überchoo, no mee Aktie uusezgee. Dr Kurs vo de Akzie vom Undernääme im Nennwärt vo 100 Pfund isch am Aafang vo 1720 no 120 Pfund gsi, isch denn aber bis zum Juli uf 950 Pfund gstiige. Dr Köönig Georg, d Duchess of Marlborough und e Hufe usländischi Investore häi iiri Akzie denn abgstoosse. Wo si aber am 1. August die ersti Diwidände hät sätte uszaale und käi Gäld ghaa het drfüür, isch dr Wärt vo dr Akzie kollabiert. Im Dezämber isch si öbbe no 100 Pfund Wärt gsi.

D Folge[ändere | Quälltäxt bearbeite]

En andere Finanzskandaal, d Mississippiblootere z Frankriich, isch au zu dere Zit exblodiert. D Folge si en allgemäini Rezession gsi. E Däil vo de Läiter vo dr South Sea Company si ins Gfängnis choo, anderi häi Sälbstmord begange oder si ins Usland gflüchdet. D South Sea Company het aber no witer Handel driibe, bis si in de Reforme in de 1850er ufglööst worde isch.

Litratuur[ändere | Quälltäxt bearbeite]

  • Malcolm Balen: A Very English Deceit. The Secret History of the South Sea Bubble and the First Great Financial Scandal. Fourth Estate, London u. a. 2002, ISBN 1-84115-552-7.
  • John Carswell: The South Sea Bubble. Sutton, Stroud 2001, ISBN 0-7509-2799-2 (Erstausgabe 1961).
  • Charles P. Kindleberger: Manien, Paniken, Crashs. Die Geschichte der Finanzkrisen dieser Welt. Börsenmedien, Kulmbach 2001, ISBN 3-922669-41-7 (siehe u. a. S. 51).
  • David Liss: Die Papierverschwörung: Roman. Goldmann, München 2001, ISBN 3-442-75078-4.
  • Charles Mackay: Memoirs of Extraordinary Popular Delusions and the Madness of Crowds, 1841. E-Book bi Project Gutenberg
  • Klaus Schmeh: Die 55 größten Flops der Wirtschaftsgeschichte. Redline Wirtschaft bei Überreuther, Wien und Frankfurt am Main 2002, ISBN 3-8323-0864-4.
  • Silke Stratmann: Myths of Speculation. The South Sea Bubble and 18th Century English Literature. Fink, München 2000 (Dissertation, Universität Gießen 1998), ISBN 3-7705-3489-1.
  • Anne Murphy: The Origins of English Financial Markets. Investment and Speculation before the South Sea Bubble. Cambridge 2009, Cambridge University Press ISBN 1-107-40620-X.

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Südseeblase“ vu de dütsche Wikipedia. E Liste vu de Autore un Versione isch do z finde.