Rotterdam

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Rotterdam
Flagge des Ortes Rotterdam
Flagge
Wappen des Ortes Rotterdam
Wappe
Provinz Südholland Südholland
Bürgermeister Ahmed Aboutaleb (Partij van de Arbeid (PvdA))
Gmeind Rotterdam
Flächi
 – Land
 – Wasser
324,16 km²
215,64 km²
108,52 km²
CBS-Code 0599
Ywohner 645.965 (31. Jan. 2019[1])
Bevölkerigsdichdi 1993 Einwohner/km²
Koordinate 51° 56′ N, 4° 29′ OKoordinate: 51° 56′ N, 4° 29′ O
Bedütende Verchehrswäg A13 E19 A15 A16 A20 E25 N209 N471
Vorwahl 010
Postleitzahle 3001–3009, 3011–3016, 3021–3029, 3031–3039, 3041–3047, 3051–3056, 3059, 3061–3069, 3071–3079, 3081–3089, 3151, 3181, 3191–3199
Website Website vo Rotterdam
Lage von Rotterdam in den Niederlanden
Rhii-Maas-Delta
Rhii-Maas-DeltaVorlage:Infobox Ort in den Niederlanden/Wartung/Bild1

Vorlage:Infobox Ort in den Niederlanden/Wartung/Typ falsch gesetzt

Rotterdam (abkürzt au R’dam) het 645.965 Iiwooner (Stand: 31. Januar 2019) und isch noch Amsterdam die zwäitgrössti Stadt in de Niiderland. Si isch wägen em grösste Meerhaafe in Öiropa[2] e bedütende Vercheersknootepunkt für e Gütervercheer. Näbe Amsterdam und Den Haag isch Rotterdam au äins vo de kulturelle Zentrum vo de Niiderland. Rotterdam het e Uniwersidäät, meereri Fachhoochschuele, e Muusighoochschuel und e Kunstakademii. Si isch die füerendi Industrii- und Handelsstadt vom Land. Uffalle duet d Rotterdamer Wolkechratzer-Siluette, wo sich sit dr Middi vo de 1980er Joor entwigglet het.

Geografii[ändere | Quälltäxt bearbeite]

Rotterdam lit in de westlige Niiderland in dr Brovinz Südholland an dr Mündig vom Rhii in d Nordsee (Rhii-Maas-Delta) und ghöört zum Balligsruum Randstad. Zur ängere Stadtregioon vo Rotterdam zele groossi Noochberstedt wie Schiedam, Vlaardingen und Dordrecht.

D Stadt lit zum e groosse Däil under em Meeresspiegel und isch dur Diich gschützt.Dr diefst Punkt isch öbbe säggs Meter under em Amsterdamer Pegel, dr höggst zwäi Meeter drüüber.[3] Bumbene scaffe die ganz Zit, wil dr natüürlig Grundwasserspiegel über em Stroossenivoo lit.

Dr Fluss Nieuwe Maas, won e Hauptarm vom Rhii im Delta isch, däilt d Stadt in e nördlige und e süüdlige Däil. S äigentlige Stadtzentrum lit am nördlige Uufer vom Fluss; dr süüdlig Stadtdäil wird vom Haafe und d ehemoolige Siidlige vo de Haafenarbäiter brägt.[3] Erst in de letzte Joorzäänt het s Zentrum aagfange, sich uf d Stadtdäil am süüdlige Uufer uszdeene, bsunderigs uf e Däil De Kop van Zuid („Chopf vom Süüde“). Acht Brugge und Dunell verbinde die bäide Stadtdäil.

Gschicht[ändere | Quälltäxt bearbeite]

Rotterdam isch 1230 gründet worde. 1340 het s s Stadträcht üüberchoo und 1359 die erste Stadtmuure.[3] Mit em Nieuwe Waterweg het d Stadt 1853 en offene Kanaal ooni Schlöise zur Nordsee üüberchoo. im 19, und 20. Joorhundert isch d Stadt dank iirem Haafe und de industrielle Aalage wie Öölraffinerie stark gwaggse. Im Zwäite Wältchrieg isch d Innestadt vo Rotterdam bim dütsche Luftaagriff vom 14. Mai 1940 fast vollständig zerstöört worde. Noch em Chrieg isch alles im modärne Stiil und gröösser wider ufbaut worde und dr Haafe vo Rotterdam isch zum grösste uf dr Wält worde.

Liddratuur[ändere | Quälltäxt bearbeite]

  • Ingrid Ostermann: Wiederaufbau Rotterdam – Metamorphosen einer Stadt. Technische Universität Darmstadt, FB Architektur, 2004.
  • Eric van Hooydonk, Patrick Verhoeven: The Ports Portable – Antwerp, Hamburg & Rotterdam. Pandora Publishers, Antwerpen, ISBN 90-5325-250-9.

Weblingg[ändere | Quälltäxt bearbeite]

 Commons: Rotterdam – Sammlig vo Multimediadateie

Fuessnoote[ändere | Quälltäxt bearbeite]

  1. Bevolkingsontwikkeling; regio per maand. In: StatLine. Centraal Bureau voor de Statistiek (niederländisch)
  2. handelsblatt.com
  3. 3,0 3,1 3,2 Robert E. Dickson: The West European City. A Geographical Interpretation. Routledge 2003, ISBN 0-415-17830-4, S. 171.