Rote Fabrik (Zürich)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
die Root Fabrik

Die Root Fabrik isch en ehemalige Gwèèrbbetriib z Züri-Wolishofe und hütt es Kulturzäntrum.

Gschicht[ändere | Quälltäxt bearbeite]

S Fabrikgiböid a de Seestraass isch anne 1892 us rootem Bachschtäi poue worde. Es hät de Sydefirma Henneberg ghöört. 1972 hät d Stadt Züri s Gländ übernaa zum em Zürisee naa d Straass chöne verbräitere und Platz am Ufer z güne.

Der plaaneti Abbruch vo de Fabrik isch nöd z stand choo, wil s Stadtzürcher Volk bin ere Abstimmig degäge votiert hät. 1980 isch d IGRF, d Inträssegmäinschaft Rooti Fabrik, gründt worde. Es hät i de Fabrik Konzèèrt und e groosses Fäscht ggèè. Wil d Stadt en groosse Kredit für d Oopere hät wele zaale, aber käine für di Root Fabrik, isch zum «Oopereshuuskrawall» choo.

Im Herbscht 1980 isch s Kulturzäntrum Rooti Fabrik uufggange, wo mit Subvänzioone vo de Stadt schaffet. S Huus isch i de ganze Düütschschiiz für d Musig und s Theaterprogramm bekant woorde. Sit 1987 macht de Veräin Shedhalle bi de Programmierig mit. D F+F Schuel für Kunscht und Design isch au i de Roote Fabrik.

Sit 1981 staat s Fabrikgiböid under Tänkmaalschutz.

S Kulturzäntrum git d Fabrikzytig use, wo d Michelle Steinbeck d Redaktöörin vonnere isch.

Weblink[ändere | Quälltäxt bearbeite]

 Commons: Rote Fabrik (Zürich) – Sammlig vo Multimediadateie