Rokudenashiko

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Künschtleri Rokudenashiko

D Rokudenashiko (jap.: ろくでなし子; * 14. Merz 1972), eigentli Megumi Igarashi, isch e japanischi Bildhaueri und Manga-Künschtleri, wo durch ihri Beschäftigung mit de wibliche Genitalie au z Europa bekannt worde isch.[1] Si het es sich zur Ufgab gmachd, wiblichi Genitalie z Japan z entmystifiziire, wo us ihrere Sicht im Vergliich zu phallische Bilder in ihre Heimet übermässig verborge sind.

Hintergrund[ändere | Quälltäxt bearbeite]

D Künschtleri beschriibd uf ihre Website, wi si in ihre Jugend nie d Genitalie vonere andere Frau gseh het und ned gwüsst het, wi e Vulva usgseht. Das het bi ihre d Angscht usglöst, ihri Vulva sig ned normal. Si het dann ganz unbeschwert aagfange, e Form vo ihre Vulva z verwände, um Diorame z schaffe. Si hat dademit vil Ufregig erzügd und dann aagfange, mit ihre Kunscht z erreiche, dass Fraue ohni Scham über ihre Körper rede chönnd.

Kunscht[ändere | Quälltäxt bearbeite]

D Rokudenashiko het vili Vulva-Werch gmachd, au en Kronlüchter, es ferngschtüürets Auto und en iPhone-Hülle. En Grossteil vo ihre Kunscht isch binere Polizeirazzia beschlagnahmd worde, aber durch Föteli isch ihri Arbet dokumentiird. Si het dann überlegd, es Auto oder e Tür z baue, het dann aber es Kajak gmachd, inschpiriird durch d Verbindig vo de wiibliche Sexualität und em Meer. Das Kajak, wo si mit Crowd-Funding finanziird het, isch uf Grundlag vomene 3D-Scan von ihre Vulva entschtande.[2] Nachdem si d Aaleitig zum Nochmache ins Internet gschtellt het, isch si wegen Vorwurf, si hetti ihres Gschlächt öffentlich zur Schau gschtelld, verhaftet worde.[3]

Fuessnoote[ändere | Quälltäxt bearbeite]

  1. Artist denies obscenity charge: 'My vagina is like my arms and legs'. Archiviert vom Original am 2014-07-19. Abgrüeft am 2018-11-02.
  2. «Here’s that "vagina kayak" Japanese artist Megumi Igarashi made with the help of crowdfunding»
  3. «Von unten betrachtet», vo de Susanne Leuenberger in «bref» - Das Magazin der Reformierten Nr. 19/2018 vom 2. November 2018

Weblink[ändere | Quälltäxt bearbeite]

 Commons: Rokudenashiko – Sammlig vo Multimediadateie