Rin-Kwelle

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
de Wasserfall under de Rin-Kwelle

D Rinkwelle liit bim Dorf Amde im Kanton Sanggale. Es isch e Charschtkwelle.

D Kwelle isch zwüsche mächtige Schichte vo Chalchstei in ere Felswand über em Waalesee entstande. S Wasser, wo sech im Bärgmassiv zwüsch em Speer und de Churfirschte i underirdische Klüft sammlet, lauft a däre Stell us ere grosse Hööli use. Wenn s uf de Bärge starch grägnet het, chunt us der Kwelle e schöne Wasserfall, wo 40 Meter höch abegheit. S Wasser lauft in Beerebach, wo vom Arvebüel abeflüsst und i der Nöchi vo der Rinkwelle no wyteri Wasserfäll het. Zunderscht mündet der Bach bi Betlis in Waalesee.

Wenn s i der Hööli wenig Wasser het, undersueche Hööletaucher d Gäng im Bärg hinder der Kwelle. Bis jetz kännt me dervo e Streki vo 1920 Meter.

Weblink[ändere | Quälltäxt bearbeite]

 Commons: Rinquelle – Sammlig vo Multimediadateie