Ridicule

Dialäkt: Baseldütsch

S Ridicule isch e vorfasnächtligi Veraastaltig, wo sit 1999 jeedes Joor wääred de zwäi Mööned vor dr Faasnacht im Förnbacher Theater im Baadische Baanhoof z Baasel stattfindet.

Wie bi de mäiste andere vorfaasnächtlige Uffüerige si au bim Ridicule d Nummere mit de Dambuure und Pfiffer s Rugggroot vo dr Vorstellig. Schnitzelbängg kritisiere satiirisch d Gsellschaft und d Politik wie s üüblig isch an dr Baasler Fasnacht. Balkon-Szene, wo Schauspiiler drbii intrigiere, sorge für witzigi Iilaage. «Alti Dante» hai maischtens e Handdäschli, s «Ridicule», bi sech, wos Syessikeite din het. S Ridicule wird zum e groosse Däil vo Mitgliider vo dr Förnbacher Theater Company bestritte und isch dorum mee Theater as anderi Veraastaltige. Bis 2013 isch au dr Basler Politiker Carl Miville mit sinere Süscheliste ufdräte, het aber ufghöört, won er 92 worde isch.

Lueg au

• Baasler Faasnacht