Rostblettrigi Alperose
| Rostblettrigi Alperose | ||||||||||||
|---|---|---|---|---|---|---|---|---|---|---|---|---|
Rostblettrigi Alperose (Rhododendron ferrugineum) | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Rhododendron ferrugineum | ||||||||||||
| L. |
Die Rostblettrigi Alperose (Rhododendron ferrugineum; alemannischi Näme) isch e Pflanzenart us dr Gattig vo de Rhododendre (Rhododendron) und ghört zur Familie vo de Heidechrutgwächs (Ericaceae). Die bekannti Alpepflanze heisst au Rostroti Alperose. D Bärgbuure säge dr Pflanze au Ächti Alperose oder Rostzette.
Merkmol
[ändere | Quälltäxt bearbeite]Dr immergrüeni Struuch isch stark buschig und wachst bis zun ere Höchi vo 30 bis 130 cm. Er het chreftigi Est und Zwiig, wo e graui Rinde hai und stark verzwiigt si. Jungi Driibe hai rotbruuni Schuppe.
Die wechselständig aagordnete Bletter dräte an de Ändi vo de Zwiig ghüft uf und wärde zwüschen eim und zwei Santimeter lang, und bis zu eim Santimeter breit. Si si meistens lanzetteförmig bis schmal-elliptisch, vorne zuegspitzt bis stachelspitzig. D Bletter si lädrig und fest und hai e mehr oder weniger umgrollte Blattrand, wo fiini Zehnli het. Si si uf dr obere Site glänzig dunkelgrüen und kahl. Jungi Bletter si uf dr undere Site gälblig, wenn si alt wärde, si si denn wägen ihre Schuppehöörli rostbruun. Si bliibe nume öbbe zwei Johr am Struuch.
D Blüete hai Stil, si zwittrig und öbbe fümf bis acht Millimeter lang. E baar von ene bilde e drängti, ändständigi Druube. D Chrone het inne Höörli und isch breit-drichterförmig und diefrosa bis chreftig rot. Si wird bis 2 Santimeter lang und öbbe gliich breit. Si het zäh Staubbletter wo nid über d Chrone uusestöhn und unde nooch Höörli hai.
D Blüeteziit isch vom Mai bis Juli.
D Chapslefrücht wärde vom August aa riif, si brüünlig und holzig und enthalte vili extrem liechti Soome, wo vom Wind verbreitet wärde.
Vorchoo
[ändere | Quälltäxt bearbeite]
Die Rostblettrigi Alperose isch in de Alpe, Pyrenää, im Jura, Apennin, in de Karpate und im Balkan verbreitet. In de Alpe isch si in de silikatische Zentralalpe hüfig, in de Chalchalpe chunnt si nume verstreut vor.
As Standort zieht si früschi Nadelwälder, wo dr Boode meistens suur isch, dünni Gebüsch, Zwärgstruuchheiden und Chrummholzgebüsch vor. Die Art miidet chalchhaltige Grund, dört chunnt ehnder die vikariierendi Art Rhododendron hirsutum vor. Die Rostblettrigi Alperose wachst am beste in ere Höchi vo zwüsche 500 und 2.800 m ü. NN. Zsämme mit em Zwärg-Wacholder (Juniperus sibirica) isch d Alperose e wichdige Rohbodepionier.
Usserhalb vo ihrem natürlige Verbreitigsgebiet wird si in Gartekultur aapflanzt.
Sustigs
[ändere | Quälltäxt bearbeite]Bi Stämmli mit eme Durchmässer vo ei bis zwei Santimeter het mä än Alter vo fast 100 Johr festgstellt.
Litratur
[ändere | Quälltäxt bearbeite]- Xaver Finkenzeller: Alpenblumen, München 2003, ISBN 3-576-11482-3
- Kremer: Strauchgehölze. Niedernhausen, 2002. ISBN 3-576-11478-5
- M. A. Fischer, W. Adler, K. Oswald: Exkursionsflora für Österreich, Liechtenstein und Südtirol, Linz, 2005, ISBN 3-85474-140-5
Weblingg
[ändere | Quälltäxt bearbeite]
Commons: Rostblättrigi Alperose – Sammlig vo Multimediadateie
|
Dä Artikel basiert uff ere fräie Übersetzig vum Artikel „Rostblättrige_Alpenrose“ vu de dütsche Wikipedia. E Liste vu de Autore un Versione isch do z finde. |