René Quellet

Dr René Quellet (* 4. Augschte 1931 z Soledurn; † 17. Augschte 2017 z Le Landeron) isch e Schwyzer Pantomime-Künschtler gsii.

Lääbe

Dr René Quellet isch z Nöieburg ufgwachse und het z Soledurn Goldschmid glehrt. Zää Johr lang isch er als Clown ufträtte, derno het er si Ändi 1950er Johr dr Pantomime zuegwändet, het si zue sym Bruef gmacht und isch mit eigene Programm rund um d Wält tuurt.

Mit em Franz Hohler het er vo 1973 bis 1994 Franz und René für d Chindersändig Spielhaus vom Schwyzer Färnseh gspilt. Als schwygsame René – dr Running Gag isch sy Spruch „I säge nüt!“ gsii – het er dr Gegepart zum redselige Franz markiert. Mit em Franz Hohler und dr Dodo Hug het er 1988 als Santschi im Schwyzer Spilfilm Dünki Schott gspilt, ere schwyzerdütsche Adaption vom Don-Quijote-Stoff.

Syt syre Abschlusstuurnee i dr Schwyz 1997 het er mit syre Frau im Ruestand gläbt.

Buech

• Franz und René auf dem Ausflug. Eine Fotogeschichte. Mit Franz Hohler und René Quellet. Fotografiert von Eduard Widmer. Zytglogge, Gümligen 1978

Literatur

• Marie-Jeanne Cernuschi: René Quellet. In: Andreas Kotte (Hrsg.): Theaterlexikon der Schweiz – Dictionnaire du théâtre en Suisse. Band 2. Chronos, Zürich 2005, ISBN 3-0340-0715-9, S. 1449. (französisch)

Weblink

• René Quellet in dr Internet Movie Database
• Hansruedi Lerch: Quellet, René. In: Historisches Lexikon vo dr Schwiiz.
• Slapstick mit Franz und René – Archivperle vom 23. Februar 1988.
• TV-Star René Quellet ist tot. In: bluewin.ch vom 18. Augschte 2017.

Dä Artikel basiert uff ere fräie Übersetzig vu dere Version vum Artikel „René_Quellet“ vu de dütsche Wikipedia. E Liste vu de Autore un Versione isch do z finde.